ال جالپى اۋدانعا تارتىلاتىن ينۆەستيتسيا كولەمى 6,5 ملرد. تەڭگە بولادى دەپ بولجانۋدا. بۇل تۋرالى بۇگىن وبلىس اكىمى اماندىق باتالوۆتىڭ قاتىسۋىمەن وتكەن كەگەن اۋدانىنىڭ اكىمى تالعات بايەديلوۆتىڭ ونلاين فورماتتاعى ەسەپتى جيىنى بارىسىندا ايتىلدى.
كوروناۆيرۋس ىندەتىنىڭ تارالۋ قاۋپىنە وراي جاريالانعان شەكتەۋ شارالارىنا بايلانىستى كەگەن اۋدانىنىڭ اكىمى تالعات بايەديلوۆ تۇرعىندار الدىنداعى ەسەپتى جيىنىن ونلاين فورماتتا وتكىزدى. جيىنعا وبلىس اكىمى اماندىق باتالوۆ قاتىستى. ەسەپتى كەزدەسۋدە 2020 جىلعى اۋداننىڭ الەۋمەتتىك-ەكونوميكالىق دامۋ قورىتىندىلارى جانە 2021 جىلدىڭ جوسپارلارى تۋرالى باياندالدى.
بايانداماشى ت. بايەديلوۆتىڭ ايتۋىنشا, اۋداندا ونەركاسىپ سالاسىندا وندىرىلگەن ءونىم كولەمى 12,7 ملرد تەڭگەدەن اسسا, اۋىل شارۋاشىلىعىنداعى جالپى ءونىم كولەمى 30,7 ملرد تەڭگەگە ورىندالعان. مال باسى دا وسكەن. ءىرى قارا – 51 648 باسقا, جىلقى – 28 645, قوي-ەشكى 202 640 باسقا جەتتى. اۋىل شارۋاشىلىعى تاۋار وندىرۋشىلەرى 185 ملن. تەڭگەگە 62 دانا ءار ءتۇرلى اۋىل شارۋاشىلىعى تەحنيكالارىن ساتىپ الدى. سونىڭ ارقاسىندا ەگىس جيناۋ ناۋقانى دا ويداعىداي وتكەن.
نەگىزگى كاپيتالعا تارتىلعان ينۆەستيتسيالار كولەمى 6 ملرد 110 ملن تەڭگەگە ورىندالىپ, ناقتى كولەم يندەكسى 106,6 پايىزدى قۇرادى. بۇل جۇمىس بيىل دا جالعاسىپ, بىرقاتار ينۆەستجوبالار مەجەلەنىپ وتىر.
«تالاس» كووپەراتيۆى جىلىنا 300 توننا ءسۇت وندىرەتىن, جوبالىق قۇنى 420,0 ملن تەڭگە بولاتىن تاۋارلى ءسۇت فەرماسىن ىسكە قوستى. بۇگىنگى كۇنگە چەحيا مەملەكەتىنەن «سەمەنتال» تۇقىمدى 63 باس سيىر الىپ كەلدى. بيىل 240,0 ملن تەڭگەگە ينۆەستيتسيا تارتۋدى جوسپارلاپ وتىر. وعان 3 عيمارات سالىپ, قۇرال-جابدىقتار جانە 320 باس ءسۇت باعىتىنداعى ءمۇيىزدى ءىرى قارا مالىن ساتىپ اكەلەدى. تۇيىق اۋىلىنداعى بۇرىنعى كەن ورىنىن «سلاۆا مۋناي سەرۆيس» جشس بيىل ىسكە قوسۋدى جانە قورعاسىن ءوندىرۋدى جوسپارلاۋدا. كومپانيا 10 جىل ىشىندە تۇيىق كەن ورنىن يگەرۋگە شامامەن 13 ملرد تەڭگە ينۆەستيتسيا سالۋدى كوزدەپ وتىر. قازىرگى تاڭدا بارلاۋ جۇمىستارى تولىق اياقتالدى. رۇقسات بەرۋ قۇجاتتارى تولىق الىندى. «كەگەن مياسو پروم» جشس تاۋلىگىنە 10 توننا ەت وندىرەتىن جوبالىق قۇنى 2,5 ملرد تەڭگە بولاتىن ەت وڭدەۋ كومبيناتىن سالسا, قارابۇلاق اۋىلدىق وكرۋگى جەرىندە «PG Solutions» جشس جوبالىق قۇنى 110,0 ملن تەڭگە بولاتىن زاماناۋي تۋريستىك كەشەن سالۋدى قولعا الۋدا. بۇگىنگى كۇنگە 7,5 گا جەر تەلىمى بەرىلدى. جالپى 2021 جىلى 6,5 ملرد تەڭگە ينۆەستيتسيا تارتۋ جوسپارلانۋدا», دەدى ت.بايەدىلوۆ.
تۋريستىك الەۋەتى زور كەگەن اۋماعىندا تۋريزم سالاسىنىڭ وزىنە 1 ملرد 860 ملن تەڭگە ينۆەستيتسيا تارتىلماق. وسى قارجىعا «تەمىرتاۋ» ەكو-اۋىلىن, قوناقتار قابىلدايتىن 4 ۇلكەن كەشەن, پانتو-ساۋىقتىرۋ ورتالىعىن اشۋ جوسپارلانعان.
2020 جىلى اۋدانداعى قۇرىلىس جۇمىستارىنىڭ كولەمى 4 ملرد 60 ملن تەڭگەنى قۇراعان. كەگەن اۋىلىنان «نۇرلى جەر» باعدارلاماسى اياسىندا جالپى قۇنى 364,2 ملن تەڭگەگە 15 تۇرعىن ءۇي سالىنىپ, كەزەكتە تۇرعان ءار ءتۇرلى ساناتتاعى وتباسىلارىنا بەرىلدى. ال بيىل 36 تۇرعىن ءۇيدىڭ قۇرىلىسى مەن ينجەنەرلىك-كوممۋنيكاتسيالىق جەلىلەرىن جۇرگىزۋگە بيۋدجەتتەن 843,5 ملن تەڭگە قارالعان.
وسى جانە وزگە دە سالالاردىڭ اياق الىسى تۋرالى حابارلاعان اۋدان اكىمى باياندامادان كەيىن الەۋمەتتىك جەلى ارقىلى تۇرعىنداردان تۇسكەن ساۋالدارعا جاۋاپ بەردى.
كەزدەسۋ سوڭىندا ءسوز العان وبلىس اكىمى اماندىق باتالوۆ: «قازىرگى ەپيدەميالىق جاعدايعا بايلانىستى سىزدەرمەن الىستان تىلدەسىپ, جيىنعا ونلاين فورماتتا قاتىسۋعا تۋرا كەلىپ وتىر. ارينە, جۇزبە ءجۇز كورىپ, بارلىق ماسەلەلەردى سول جەردە ەركىن تالقىلاعانعا جەتپەيدى. دەگەنمەن بەينەبايلانىس بىزگە اۋداننىڭ دامۋى تۋرالى ەسەپتى تىڭداپ, پىكىر الماسۋىمىزعا مۇمكىندىك بەرىپ وتىر. ءبىز كەگەن اۋدانىنا وتكەن جىلى «جۇمىسپەن قامتۋ جول كارتاسى» باعدارلاماسى ارقىلى بولىنگەن قارجىنى قوسقاندا 12,7 ملرد تەڭگە بولدىك. وسى قارجىعا قانشاما جولدار, الەۋمەتتىك مەكەمەلەر, ينجەنەرلىك ينفراقۇرىلىمدار جاسالدى, قۇرىلىستار سالىندى. بيىلعى جىلى اتالعان باعدارلامانى ەسەپتەمەگەندە 5 ملرد, تەڭگەدەن استام قارجى قاراستىرىپ وتىرمىز. اۋداندا مال باسى جاقسى قارقىنمەن ءوسىپ كەلەدى. ەندىگى جەردە سول مال ونىمدەرىن وڭدەيتىن كاسىپورىندار اشۋ, وعان ينۆەستيتسيا تارتۋ جاعىنا كوپ كوڭىل ءبولۋ كەرەك. كەگەن – تۋريستىك تارتىمدى ايماق. قايىڭدى كولىنە اپاراتىن جولدى بيىل تولىقتاي جاساپ بەرەمىز. شارىن, كولساي, قايىڭدى تىزبەگى بويىنشا تۋريستىك كلاستەر قۇرۋعا نيەتتى كاسىپكەرلەر دە بار. سول جوبالار ىسكە اسسا, حالىققا جاڭا جۇمىس ورىندارى كوپتەپ اشىلادى. بيىلعى جىل – تاۋەلسىزدىكتىڭ 30 جىلدىعى, مەرەيلى جىل. وسى ۇلكەن بەلەسكە ەلىمىز تولايىم تابىستارمەن جەتىپ وتىر. بيىلعى وتكىزىلەتىن شارالارعا جاستار, اقساقالدار, باسقا دا ساناتتاعى ازاماتتار بەلسەنە قاتىسىپ, جالپى ءبارىمىز بىرلەسىپ وتكىزۋىمىز كەرەك. پاتريوتتىق باعىتتاعى تاعىلىمدى شارالارعا ءمان بەرۋىمىز كەرەك», دەدى ول.
وسى جيىندا اۋدان تۇرعىندارىنىڭ كەگەن وڭىرىنە تابيعي گاز قاشان جەتكىزىلەتىنىن بىلگىسى كەلەتىنى ايتىلدى. ساۋالعا جاۋاپ بەرگەن وبلىس اكىمى «شەلەك» اگرس-ىنەن ارى قاراي كەگەنگە تارتىلاتىن ماگيسترالدى گاز قۇبىرىنىڭ تەن-ءى دايىن ەكەنىن, ءبىرىنشى جارتى جىلدىققا دەيىن جسق قۇجاتى دايىن بولسا, ەكىنشى جارتى جىلدىقتا جۇمىستى باستاۋعا مۇمكىندىك بولاتىنىن جەتكىزدى. ياعني كەگەن اۋدانىنا كوگىلدىر وتىن جەتكىزىلەتىن كۇن دە الىس ەمەس. بۇل رەتتە اماندىق باتالوۆ ءتيىستى باسقارماعا گازعا قوسىلۋ قۇنىنىڭ حالىققا قولجەتىمدى بولۋىنا قاتىستى جۇمىستاردى شيراتۋدى تاپسىردى.
ەسەپتى جيىن سوڭىندا اۋداندىق ارداگەرلەر كەڭەسىنىڭ توراعاسى سابىر دوسىمبەكوۆ ءسوز الدى. مۇنان سوڭ اۋدان اكىمىنىڭ ەسەبى ونلاين فورماتتا ازاماتتاردى قابىلداۋمەن جالعاستى.
