وبلىستىق دەنساۋلىق ساقتاۋ باسقارماسىنىڭ مالىمدەۋىنشە, 2 قاڭتار كۇنى ساعات 18:30-دا وبلىستىق بالالار اۋرۋحاناسىنا جەدەل جاردەممەن 2003 جىلى تۋعان قىز بالا جەتكىزىلگەن. ول «وبلىستىق ومىرلىك قيىن جاعدايعا تاپ بولعان بالالاردى قولداۋ ورتالىعىنان» ەس-ءتۇسسىز كۇيدە جەتكىزىلدى.
- قىز بالا بەلگىسىز زاتتىڭ ۋلى اسەرى دياگنوزىمەن ءتۇستى. باس ميىنىڭ ىسىنۋىمەن جانساقتاۋ بولىمىنە جاتقىزىلدى. ينتەنسيۆتى تەراپيا باستالدى. جاسالعان ەمدەۋ شارالارىنا قاراماستان ساعات 20:00-دە جۇرەگى توقتادى. 30 مينۋتتىق جانساقتاۋ ارەكەتتەرى ناتيجە بەرمەدى, - دەدى باسقارمادا.
2004 جىلى تۋعان تاعى 2 قىز بالا سول كۇنى ساعات 21:40-تا اۋرۋحاناعا ۋلانۋ دياگنوزىمەن ورتاشا كۇيدە تۇسكەن. ولارعا تولىق كولەمدە مەديتسينالىق كومەك كورسەتىلدى. ەكەۋى دە 14 قاڭتار كۇنى ستاتسيوناردان شىعارىلدى. قىزدار 1 قاڭتار كۇنى كەشكى ساعات 20:30 شاماسىندا 2,5 ستاقان «انتيسەپتيك - مد-1» زاتىن سۋمەن ارالاستىرىپ ىشكەندەرىن ايتقان.
- قىزداردىڭ ايتۋىنشا, ءتۇندى تىنىش وتكىزگەن. ەشتەڭە مازالاماعان. الايدا, تاڭ اتىسىمەن جۇرەكتەرى اينىپ, قۇسۋ باستالعان. ورتالىقتىڭ مەديتسينالىق قىزمەتكەرلەرى مەن تاربيەشىلەرى بۇل وقيعا تۋرالى بىلمەگەن. 2 اقپان كۇنى ساعات 20:30-دان كەيىن قىزدار جەدەل جاردەم شاقىرعان, دەدى قۇزىرلى مەكەمە ماماندارى.
