2021 جىلدىڭ شىلدەسىنەن باستاپ رەسپۋبليكادا اكىمشىلىك راسىمدىك-پروتسەستىك كودەكس قولدانىسقا ەنەدى. كودەكس بيلىك ورگاندارىمەن داۋ-دامايلاردى قاراۋ بارىسىندا ازاماتتاردىڭ قۇقىقتارىن قورعاۋدى ساپالىق جاڭا دەڭگەيگە شىعارۋعا باعىتتالعان.
«حالىقارالىق پراكتيكادا جەكەلەگەن سوتتاردى قۇرۋ مودەلى ءوزىن-ءوزى اقتادى. سوندىقتان بىزدە دەربەس اكىمشىلىك سوتتار قۇرىلاتىن بولادى. ولار اكىمشىلىك قۇقىقبۇزۋشىلىقتار تۋرالى ىستەردى قارامايدى. اكىمشىلىك قۇقىقبۇزۋشىلىقتار تۋرالى كودەكس بويىنشا جۇمىس ىستەپ جاتقان سوتتاردىڭ اتاۋى 2021 جىلدىڭ 1 شىلدەسىنەن باستاپ وزگەرەدى. قازىرگى تاڭدا دەپارتامەنت اكىمشىلىك ادىلەت جۇيەسىن ەنگىزۋ بويىنشا اۋقىمدى دايىندىق جۇمىستارىن جۇرگىزۋدە. 21 جاڭا اكىمشىلىك سوت قۇرىلادى, ولاردىڭ 17-ءسى – وبلىس ورتالىقتارىندا, قوسىمشا 4-ەۋى - قاسقەلەڭ, سەمەي, جەزقازعان جانە ەكىباستۇزدا اشىلادى. جاڭا سوتتار قولدانىستاعى شتاتتىق كەستە شەڭبەرىندە قۇرىلادى», دەدى ن.احمەتزاكيروۆ.
سونداي-اق ءمالىم ەتىلگەندەي, ينفراقۇرىلىمدى دامىتۋ اياسىندا ارىس اۋداندىق, ساتباەۆ قالالىق جانە جامبىل وبلىستىق سوتتارى عيماراتتارىنىڭ قۇرىلىسى باستالدى. 100 سوت عيماراتىنا كۇردەلى جوندەۋ جۇرگىزىلدى.
