زاڭ جوباسى مەملەكەت باسشىسىنىڭ «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ ماقساتىندا ازىرلەندى.
زاڭ جوباسىندا بىرقاتار نورماتيۆتىك قۇقىقتىق اكتىگە وزگەرىستەر مەن تولىقتىرۋلار ەنگىزۋ ۇسىنىلادى:
- اۋداندىق ماڭىزى بار قالالاردىڭ, اۋىلداردىڭ, كەنتتەردىڭ جانە اۋىلدىق وكرۋگتەردىڭ كىرىس بازاسىن كەڭەيتۋ;
- بيۋدجەتتىك راسىمدەردى وڭايلاتۋ;
- اكىمشىلىك-اۋماقتىق بىرلىكتەرگە قويىلاتىن تالاپتاردى جەتىلدىرۋ;
- جەرگىلىكتى وكىلدى جانە اتقارۋشى ورگانداردىڭ دەربەستىگىن كەڭەيتۋ جانە جاۋاپكەرشىلىگىن كۇشەيتۋ.
«ۇسىنىلعان نەگىزگى نورمالارعا تولىعىراق توقتالا كەتەيىك. بيۋدجەتتى نىعايتۋ ماقساتىندا جەرگىلىكتى ءوزىن-ءوزى باسقارۋدى دامىتۋ بيۋدجەتتىڭ ءتورتىنشى دەڭگەيگە قوسىمشا سالىقتار مەن تولەمدەردىڭ 4 ءتۇرىن بەرۋ ۇسىنىلادى. سونىمەن قاتار, اۋىلدىق وكرۋگتەر اكىمى اپپاراتىنىڭ رەزەرۆىن قۇرۋ ۇسىنىلادى. بۇل قاراجات جەرگىلىكتى قوعامداستىقتىڭ باستاماسى بويىنشا كەزەك كۇتتىرمەيتىن شىعىندارعا باعىتتالاتىن بولادى جانە ءوز كىرىستەرىنىڭ ون پايىزىنان اسپايدى. جوعارى تۇرعان دەڭگەيلەردەگى بيۋدجەتكە ۇقساس اۋىلدىق وكرۋگ اكىمى اپپاراتى ءۇشىن بيۋدجەتكە تۇزەتۋلەر ەنگىزۋ كوزدەلىپ وتىر», دەدى قر ۇلتتىق ەكونوميكا ءمينيسترى اسەت ەرعاليەۆ.
ونىڭ ايتۋىنشا, قارجى جىلى كەزەڭىندە اۋدان جانە اۋىلدىق وكرۋگ بيۋدجەتتەرى اراسىنداعى جالپى سيپاتتاعى ترانسفەرتتەر كولەمىنىڭ وزگەرۋىنە جول بەرمەيتىن بيۋدجەت كودەكسىنە ناقتىلاۋشى نورما ەنگىزىلەدى. سونداي-اق, ءماسليحاتتاردىڭ شەشىمدەرىن ادىلەت ورگاندارىندا تىركەۋ قاجەتتىلىگى بويىنشا نورمانى الىپ تاستاپ, بيۋدجەتتەردى بەكىتۋ ءراسىمىن وڭايلاتۋ ۇسىنىلىپ وتىر.
«اكىمشىلىك-اۋماقتىق بىرلىكتەر ساناتىن وزگەرتۋ ءتارتىبىن انىقتاۋدى ۇسىنامىز. وسى زاڭدا بەلگىلەنگەن تالاپتارعا سايكەس كەلمەگەن جاعدايدا قالا مارتەبەسىن بەس جىل ىشىندە, ال اۋىلدار – ءۇش جىل ىشىندە وزگەرتۋ جۇزەگە اسىرىلادى. ياعني جەرگىلىكتى اتقارۋشى جانە وكىلدى ورگاندار وسى كەزەڭدە ەلدى مەكەندەردىڭ ودان ءارى كەلەشەگىن ەسكەرە وتىرىپ, ەكونوميكالىق دامۋى ءۇشىن شارالار قابىلداۋى ءتيىس», دەدى مينيستر.
بۇدان بولەك, ءماسليحات پەن ونىڭ دەپۋتاتتارىنىڭ مارتەبەسىن ارتتىرۋ بويىنشا بىرقاتار تۇزەتۋلەر قاراستىرىلعان. ءماسليحات سەسسياسى توراعاسىنىڭ قىزمەتىن تاراتىپ, ونىڭ وكىلەتتىگىن ءماسليحات حاتشىسىنا بەرۋ ۇسىنىلادى.
سونىمەن قاتار ءاربىر وبلىس پەن رەسپۋبليكالىق ماڭىزى بار قالالاردا ءماسليحاتتىڭ تۇراقتى كوميسسيا توراعالارىنىڭ بوساتىلعان ەكى لاۋازىمىن ەنگىزۋ ۇسىنىلادى.
«بۇل زاڭ جوباسى وڭىرلەردىڭ دەربەستىگى مەن جاۋاپكەرشىلىك دەڭگەيىن ارتتىرۋعا جانە جەرگىلىكتى ماڭىزى بار ماسەلەلەردى نەعۇرلىم جەدەل شەشۋ ءۇشىن بيۋدجەتتىك راسىمدەردى ايتارلىقتاي جەڭىلدەتۋگە مۇمكىندىك بەرەدى», دەدى ءا.ەرعاليەۆ.
