جەرلەسىمىز اتالعان تۋرنيردە ۋكراينالىق دەنيس مولچانوۆپەن جۇپ قۇراپ, فينالدا وسى جارىستىڭ ءبىرىنشى راكەتكالارى سانالعان ۆەنەسۋەلالىق لۋيس داۆيد مارتينەس پەن يسپانيالىق داۆيد ۆەگا ەرناندەس جۇبىمەن باس جۇلدەنى ساراپقا سالدى. تارتىستى وتكەن باسەكەنىڭ العاشقى پارتياسىندا مارتينەس پەن ەرناندەس 6:3 ەسەبىمەن باسىم تۇسكەنىمەن, ەكىنشى پارتيادا قازاق-ۋكراين جۇبى 6:4 ناتيجەسىمەن قارىمتا قايتاردى. ال تاي-برەيكتە نەدوۆەسوۆ پەن مولچانوۆتىڭ باعى جانىپ, 18:16 ەسەبىمەن جەڭىستى ج ۇلىپ الدى.
وسىلايشا 33 جاستاعى ا.نەدوۆەسوۆ قازاقستاندىق تەننيسشىلەر اراسىنان جاڭا جىلداعى العاشقى ءىرى جەڭىسىنە قول جەتكىزدى. بۇل – ونىڭ جۇپتىق جارىس بويىنشا «چەللەندجەر» تۋرنيرلەرىندەگى 16-شى تابىسى. ايتا كەتەيىك, جارىستىڭ جۇلدە قورى – 44 مىڭ اقش دوللارىن قۇرايدى.
