مالىمەتتەرگە سايكەس قوناقۇي شاتقالدان 4 شاقىرىم جەردە بوي كوتەرەدى. قازىر مۇندا ينجەنەرلىك-گەولوگيالىق ىزدەۋ جۇمىستارى ءجۇرىپ جاتقان سىڭايلى. ءوڭىر اكىمدىگى بۇل اقپاراتتى راستادى, ال ينۆەستورلار قۇرىلىس تەحنيكاسى ەرەكشە قورعالاتىن اۋماققا مۇلدە جاقىندامايدى دەپ سەندىرىپ وتىر.
ەسكە سالا كەتەيىك, ەكولوگيا ءمينيسترى ءتۋريزمدى دامىتۋ مەن بوزجىرا سياقتى ۋنيكالدى تابيعي نىساننىڭ ەكوجۇيەسىن ساقتاۋدىڭ اراسىندا تەپە-تەڭدىك بولۋ كەرەكتىگىن ايتقان-دى.
وعان قوسا بۇعان دەيىن ماڭعىستاۋلىق بەلسەندىلەر تابيعي قورىقتا قوناقۇيدىڭ سالىنۋىنا قارسىلىق بىلدىرگەن ەدى. وسىدان كەيىن مەملەكەت باسشىسى قاسىم-جومارت توقاەۆ ۇكىمەتكە جوبانى قايتا قاراۋدى تاپسىرعان. الايدا كوپشىلىكتىڭ نارازىلىعىنا قاراماستان, بيلىك قورىققا قوناقۇي اۋاداي قاجەت دەگەن ۇستانىمنان تايماي وتىر.
