وبلىس كولەمىندە ءوتىپ جاتقان “قارۋ” جەدەل-پروفيلاكتيكالىق ءىس-شاراسىنىڭ 5 كۇنىندە 2 512 قارۋ يەسى تەكسەرىلىپ, 48 قۇقىق بۇزۋشىلىق انىقتالدى.
زاڭسىز اينالىمنان 16 دانا قارۋ تاركىلەندى.
ءىس-شارا بارىسىندا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 484-بابىنا (ازاماتتىق, قىزمەتتىك, ماراپاتتىق, كوللەكتسيالىق قارۋدى, ونىڭ پاتروندارىن يەلەنۋ, بەرۋ, ەسەپكە الۋ, ساقتاۋ, پايدالانۋ, تاسىمالداۋ, قازاقستان رەسپۋبليكاسىنىڭ اۋماعىنا اكەلۋ, قازاقستان رەسپۋبليكاسىنىڭ اۋماعىنان اكەتۋ جانە قازاقستان رەسپۋبليكاسىنىڭ اۋماعى ارقىلى ترانزيتپەن وتكىزۋ ءتارتىبىن بۇزۋ) سايكەس 16 ازاماتقا, 486-بابىنا (ازاماتتىق, قىزمەتتiك, ماراپاتتىق, كوللەكتسيالىق قارۋدى تiركەۋ (قايتا تiركەۋ) نە ونى ەسەپكە قويۋ ءتارتىبىن بۇزۋ) سايكەس 16 ازاماتقا قاتىستى اكىمشىلىك شارالار قابىلداندى.
بۇدان باسقا 31 قاڭتار كۇنى ارال اۋدانى تۇرعىنىنىڭ اۋلاسىنداعى سارايىنان ىشكى ىستەر ورگاندارىندا تىركەۋدە جوق, ەكى ۇڭعىلى, 12 كاليبرلى اڭشى مىلتىعى تاركىلەندى.
قازىرگى تاڭدا بۇل ازاماتقا قاتىستى قازاقستان رەسپۋبليكاسى اقبتك-ءنىڭ 482-بابىنىڭ 1-بولىگىمەن (جەكە جانە زاڭدى تۇلعالاردىڭ قارۋدى زاڭسىز يەلەنۋى, بەرۋى, وتكىزۋى, ساقتاۋى, الىپ ءجۇرۋى, تاسىمالداۋى) اكىمشىلىك حاتتاما تولتىرىلىپ, جيناقتالعان قۇجاتتار سوتقا جولداندى.
