ونىڭ ايتۋىنشا, ديالوگقا ساراپشىلار عانا ەمەس, قاراپايىم ازاماتتار دا قوسىلدى, ويتكەنى ماسەلە جاي زاڭي قۇجات جايلى ەمەس, ەلدىڭ دامۋ باعىتىن ونداعان جىلدارعا ايقىندايتىن اتا زاڭ جايىندا.
ول جاڭا كونستيتۋتسيا جوباسىندا ادامي كاپيتال, عىلىم, يننوۆاتسيا, شىعارماشىلىق ەركىندىگى جانە تسيفرلىق قاۋىپسىزدىك سياقتى بولاشاققا قاتىستى تاقىرىپتار كوبىرەك قوزعالىپ جاتقانىنا نازار اۋداردى. ونىڭ ايتۋىنشا, قۇجاتتا بولاشاققا باعدارلانۋ تۇرعىسىنان ەرەكشە ماڭىزدى ءۇش نەگىزگى باسىمدىقتى ءبولىپ قاراۋعا بولادى.
نۇرلىبەك نالىباەۆ: ەكولوگيالىق نورمالار وڭىرلەر ءۇشىن باستى باسىمدىق
ءبىرىنشى ماسەلە مادەنيەت, ءبىلىم, عىلىم جانە يننوۆاتسيا قۇندىلىقتارىن پرەامبۋلادا بەكىتۋگە, سونداي-اق ادامي كاپيتالدى مەملەكەت قىزمەتىنىڭ ستراتەگيالىق باعىتى رەتىندە تانۋعا بايلانىستى.
«مادەنيەت پەن ءبىلىم, عىلىم مەن يننوۆاتسيا قۇندىلىقتارىن پرەامبۋلادا بەكىتۋ, سونداي-اق ادامي كاپيتالدى مەملەكەت قىزمەتىنىڭ ستراتەگيالىق باعىتى رەتىندە تانۋ ۇلتتىڭ جاڭا ساپاسى مەن اقىلدى ەكونوميكانى دامىتۋدىڭ كونستيتۋتسيالىق نەگىزىن قۇرايدى», دەدى ول.
ەكىنشى ماڭىزدى ماسەلە – عىلىم مەن يننوۆاتسيانى دامىتۋ جاڭا تيپتەگى ادامدارسىز, ياعني, تەك ءبىلىم جيىنتىعى بار ماماندار ەمەس, سىني تۇرعىدان ويلاۋعا, جاڭانى جاساۋعا جانە ءوز جۇمىسىنىڭ ناتيجەلەرىن قورعاۋعا قابىلەتتى ازاماتتارسىز مۇمكىن ەمەستىگىندە. كونستيتۋتسيا جوباسىندا – بۇل ورتا جانە جوعارى ءبىلىم الۋ قۇقىعىنىڭ, ءسوز بوستاندىعىنىڭ, عىلىمي جانە شىعارماشىلىق كورىنىستىڭ, سونداي-اق زياتكەرلىك ەڭبەكتى قورعاۋدىڭ كەپىلدىكتەرىن قامتيتىن جەكە تۇلعانى دامىتۋدىڭ تۇتاس تراەكتورياسى رەتىندە كورىنەدى.
بۇل نورمالار ونىڭ پىكىرىنشە, قازاقستان شەتەلدە وقيتىن ستۋدەنتتەر سانى بويىنشا الەمدىك كوشباسشىلاردىڭ قاتارىنا كىرۋى اياسىندا ەرەكشە ماڭىزعا يە بولىپ كەلەدى. الايدا ءبىلىم بەرۋدىڭ ۇتقىرلىعى ەمەس, مەملەكەتتىڭ ولاردىڭ الەۋەتىن ەل ىشىندە ىسكە اسىرۋ ءۇشىن جاعداي جاساۋ قابىلەتى ماڭىزدى.
ول نازار اۋدارعان ءۇشىنشى ماسەلە جاڭا ۇرپاققا قاتىستى. ايگۇل سادۋاقاسوۆانىڭ ايتۋىنشا, قازاقستاندا قازىر دەموگرافيالىق ءوسىم بايقالىپ وتىر, ەل حالقىنىڭ 30%-دان استامىن بالالار مەن جاستار قۇرايدى. ءدال وسى تۇرعىدان العاندا كونستيتۋتسيانىڭ جاڭا رەداكتسياسى مەملەكەتتىك قۇرىلىم تۋرالى قۇجات رەتىندە عانا ەمەس, سونىمەن قاتار تسيفرلىق داۋىردەگى ومىرگە كەپىلدىك بەرۋ جۇيەسى − دەربەس دەرەكتەردى قورعاۋ, جەكە ومىرگە قول سۇعىلماۋشىلىق جانە ەلەكتروندىق كوممۋنيكاتسيالارداعى قاۋىپسىزدىك رەتىندە دە ماڭىزدى.
ايگۇل سادۋاقاسوۆا ءسوزىن قورىتىندىلاي كەلە, جاڭا كونستيتۋتسيانىڭ جوباسى تاريحي, زياتكەرلىك جانە تەحنولوگيالىق جاڭا داۋىرگە جاسالعان قادامعا اينالاتىنىن اتاپ ءوتتى. عىلىمنىڭ, يننوۆاتسيانىڭ, مادەنيەت پەن ءبىلىمنىڭ باسىمدىعىن بەكىتە وتىرىپ, ەلىمىز بىلىمگە, ادامي الەۋەتكە جانە تاۋەلسىزدىكتىڭ قۇندىلىقتارىنا نەگىزدەلگەن ورنىقتى دامۋدىڭ ىرگەتاسىن قالىپتاستىرادى.
ءادىل ەڭبەك, قاۋىپسىز جۇمىس, لايىقتى جالاقى: ماكسيم روجين جاڭا كونستيتۋتسيانىڭ ماڭىزدى تۇسىن اتادى
