بۇگىن قالا اكىمى مۇرات ايتەنوۆ قۇرىلىس الاڭىندا بولىپ, جۇمىس بارىسىمەن تانىستى. نىساننىڭ ۇزىندىعى قوناەۆ داڭعىلى بويىنشا 1 شاقىرىم, رىسقۇلوۆ كوشەسى بويىنشا 0,7 شاقىرىمدى قۇرايدى. جىل سوڭىنا دەيىن ەل يگىلىگىنە پايدالانۋعا بەرۋ جوسپارلانۋدا.
بۇگىنگى تاڭدا مۇندا 3,3 شاقىرىم سۋ, گاز قۇبىرلارىنىڭ ورنىن اۋىستىرۋ, توننەل قازۋ, 60 مەتر تىرەۋ قابىرعالارىن قۇيۋ, 7 باعانا ورناتۋ جانە 75 قادا قۇيۋ جۇمىستارى ورىندالدى.
سونىمەن قاتار, اتالعان جولايرىعىندا جەر استى وتكەلىنىڭ قۇرىلىسى جوسپارلانعان. قۇرىلىستىڭ جوبالاۋ-سمەتالىق قۇجاتتاماسىن ازىرلەۋ ءۇشىن قارجى قاراستىرىلىپ, مەملەكەتتىك ساتىپ الۋ كونكۋرسى جۇرگىزىلىپ جاتىر.
مۇرات ايتەنوۆ اتقارىلعان جۇمىستاردى كورىپ, سالا باسشىسىنا كولىك كەپتەلىسى سەكىلدى قولايسىزدىقتار شەشىمىن تابۋ ءۇشىن نىساننىڭ قۇرىلىسىن مەرزىمىندە اياقتاۋدى تاپسىردى.
