زاڭ جوباسى يادرولىق تەحنولوگيالاردى ءوندىرىس كەزىندە قولدانۋعا, ساقتاۋعا, پايدالانۋ مەن تاسىمالداۋعا قاتىستى قاۋىپتى ازايتۋعا ارنالعان.
زاڭعا ەنگىزىلەتىن جاڭاشىلدىقتاردىڭ ءبىرى وسى سالاداعى ليتسەنزيالاۋدىڭ اشىقتىعىن قامتاماسىز ەتۋ. سول ارقىلى اتوم ەنەرگياسىن قولدانۋ سالاسىنداعى ناقتى قىزمەت تۇرلەرىن انىقتاۋ جانە ليتسەنزيا بەرىلمەيتىن قىزمەت تۇرلەرىن دە ليتسەنزيالاۋ كوزدەلىپ وتىر.
«اتوم ەنەرگياسىن قولدانۋ سالاسىنداعى قىزمەتتەردى رەتتەۋدىڭ ناقتى تەتىكتەرىن انىقتاۋ جانە ەلىمىزدەگى اتوم سالاسىن رەتتەۋدىڭ وبەكتىلەرى مەن سۋبەكتىلەرىنە قويىلاتىن تالاپتاردى ناقتىلاۋ يادرولىق جانە رادياتسيالىق قاۋىپسىزدىكتى كۇشەيتەدى. بۇل ءوز كەزەگىندە قورشاعان ورتانى قورعاۋعا جانە ازاماتتاردىڭ دەنساۋلىعىن ساقتاۋعا وڭ اسەر ەتەدى. سونداي-اق, قازاقستان قابىلداعان حالىقارالىق مىندەتتەمەلەردى ىسكە اسىرۋدى قامتاماسىز ەتەدى», دەدى سەناتور ەدىل مامىتبەكوۆ.
كوميتەت توراعاسى داۋرەن ادىلبەكوۆتىڭ ايتۋىنشا, زاڭعا ەنگىزىلەتىن وزگەرىستەر تەك ماگاتە-نىڭ قاۋىپسىزدىك بويىنشا حالىقارالىق تالاپتارىن ورىنداۋعا عانا باعىتتالىپ وتىرعان جوق. بۇل جاڭا نورمالار كاسىپكەرلەر ءۇشىن جۇكتەمەنى جانە اكىمشىلىك كەدەرگىلەردى ازايتادى. ودان بولەك, وسى سالاداعى مەملەكەتتىك قىزمەتتەردى ء«بىر ءوتىنىش» قاعيداسى بويىنشا كورسەتۋگە مۇمكىندىك بەرەدى.
