كەزەكتى «ادالدىق ساعاتىنىڭ» قوناعى قازىرگى تاڭدا قازاق ادەبيەتى مەن مادەنيەتىنىڭ دامۋىنا ەلەۋلى ۇلەس قوسىپ جۇرگەن بەلگىلى اقىن قالقامان سارين بولدى.
قازاقستان جازۋشىلار وداعىنىڭ مۇشەسى, حالىقارالىق «شابىت» فەستيۆالىنىڭ جانە «دارىن» مەملەكەتتىك جاستار سىيلىعىنىڭ لاۋرەاتى, «التىن قالام» ادەبي سىيلىعىنىڭ جەڭىمپازى, ءارى ەل ىشىندە تانىمال تالاي تۋىندىنىڭ اۆتورى قالقامان سارين ءوزىنىڭ ومىرلىك ۇستانىمى رەتىندە ۇلى ابايدىڭ تاعىلىمىن العا تارتىپ, «مەنىڭ ومىردەگى باستى ۇستانىمىم – «ەڭبەك ەتسەڭ ەرىنبەي, تويادى قارنىڭ تىلەنبەي» دەگەن سوزدەرىن كەلتىرىپ, جاستاردى تاباندى ەڭبەك ەتۋگە, تۇلعالىق دامۋعا جانە پاتريوت بولۋعا شاقىردى.
ونىڭ پىكىرىنشە, پاتريوت بولۋ ءۇشىن ەڭ ءبىرىنشى ءار ازامات ءوزىنىڭ تاريحىن وقۋى كەرەك, سوندا عانا ەلىن, جەرىن, بابالارىن ماقتان تۇتادى.
ول ءوزىنىڭ جەكە ءومىرى مەن مانسابىندا جەتىستىككە جەتۋگە مۇمكىندىك بەرگەن ادىلەتتىلىك پەن ادالدىق سياقتى ومىرلىك قۇندىلىقتارىمەن ءبولىستى. ءبىرىنشى كەزەكتە اتا-اناسىن ماقتان تۇتاتىندىعىن ايتا كەلە, «اناڭنىڭ جاققان وشاق وتىنا جىلىنىپ, اكەڭنىڭ ەككەن ەمەنىنىڭ كولەڭكەسىندە وسكەن ۇرپاق جامان بولمايدى» دەگەندى ەسكە سالدى.
پاراساتتى قوعام قۇرۋ ءۇشىن ءاربىر ادام ءوزىنىڭ ساناسىن جاقسىلىققا قاراي وزگەرتىپ, پاراساتتى ۇرپاق تاربيەلەپ, زاڭدى, ۇلتمىزدىڭ ءداستۇرىن ساقتاۋ كەرەكتىگىن ايتىپ ويىن تۇيىندەدى
«ادالدىق ساعاتىنىڭ» نەگىزگى ماقساتى – تانىمال تۇلعالاردىڭ ءومىر جانە ەڭبەك جولى ارقىلى وسكەلەڭ ۇرپاقتىڭ بويىنا پاراساتتىلىق قۇندىلىقتارىن ءسىڭىرۋ جانە ادالدىق, ادىلدىك, يناباتتىلىق جانە سەنىم سياقتى ەڭ ماڭىزدى ادامگەرشىلىك قۇندىلىقتاردى دارىتۋ.
