– 28 قاڭتاردا پاۆلودار قالاسىنىڭ پوليتسەيلەرىنە قوناق ۇيلەردىڭ ءبىرىنىڭ اكىمشىسى جۇگىنىپ, اتالعان قوناق ءۇي تۇرعىنىنىڭ 26 قاڭتاردا بولمەسىنەن شىعىپ, جوعالىپ كەتكەنىن حابارلادى. اتالعان فاكت بويىنشا باعدارلار دەرەۋ بارلىق اۋماقتىق بولىمشەلەرگە جىبەرىلدى. جوعالعان ادام قوڭىراۋلارعا جاۋاپ بەرمەگەندىكتەن, جەدەل ۋاكىلدەر ىزدەۋ شارالارىنىڭ بارلىق كەشەنىن وتكىزدى. پوليتسەيلەر ەر ادامنىڭ 2020 جىلدىڭ 18 جەلتوقسانىندا قايتىس بولعان اناسىنىڭ پاتەرىن ساتۋ ماقساتىندا رەسەي فەدەراتسياسىنىڭ تۋلا وبلىسىنان پاۆلودار قالاسىنا كەلگەنىن انىقتادى. جەلتوقسان ايىنىڭ سوڭىندا پاتەردى ساتقان ەر ادام پاتەر ساتقان اقشاسىن بانككە سالعان, – دەدى پاۆلودار وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ باستىعى بالعاباي قاپاروۆ.
ءارى قاراي وتكىزىلگەن جەدەل-ىزدەستىرۋ ءىس-شارالارىنىڭ ناتيجەسىندە پاۆلودار وبلىسى پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرى رەسەي فەدەراتسياسى ازاماتىنىڭ وبلىستىق پسيحيكالىق دەنساۋلىق ورتالىعىندا ەم قابىلداپ جاتقانىن انىقتادى.
