«مەملەكەت باسشىسى ءومىر ءسۇرۋ ساپاسىن جاقسارتۋ جانە حالىقتىڭ تابىسىن ارتتىرۋ – باستى مىندەت ەكەندىگىن اتاپ ءوتتى. مەملەكەتتىك ورگانداردىڭ ءار شەشىمى, ءار ءىس-قيمىلى ەكونوميكانى دامىتۋعا جانە حالىقتىڭ يگىلىگىنە باعىتتالۋى ءتيىس», دەدى ول.
اسقار مامين مەملەكەتتىك ورگاندارعا قر پرەزيدەنتىنىڭ تاپسىرمالارىن ورىنداۋ جونىندەگى شارالار جوسپارىنا قوسۋ ءۇشىن ۇسىنىستاردى بۇگىنگى كۇننىڭ سوڭىنا دەيىن ەكونوميكا مينيسترلىگىنە ەنگىزۋدى تاپسىردى.
«ۇلتتىق ەكونوميكا مينيسترلىگى ەكى كۇن مەرزىمدە ۇكىمەتتىڭ كەڭەيتىلگەن وتىرىسىندا بەرىلگەن پرەزيدەنت تاپسىرمالارىن ورىنداۋ جونىندەگى جول كارتاسىن پرەمەر-ءمينيستردىڭ كەڭسەسىنە ەنگىزسىن. جوسپاردىڭ ىسكە اسىرىلۋىن باقىلاۋ جانە ۇيلەستىرۋ ءاليحان اسحان ۇلى, وزىڭىزدە», دەدى پرەمەر-مينيستر.
