كەشە پرەمەر-مينيستر سەرىك احمەتوۆتىڭ توراعالىعىمەن وتكەن سەلەكتورلىق رەجىمدەگى ۇكىمەت وتىرىسىندا «جۇمىسپەن قامتۋدىڭ جول كارتاسى-2020» باعدارلاماسىن جۇزەگە اسىرۋ ماسەلەلەرى جانە 2013-2020 جىلدارعا ارنالعان اۋىل شارۋاشىلىعى سالاسىنىڭ كەشەندى جوسپارى تالقىلاندى. سونداي-اق, قازاقستان اۋماعىن ۇيىمداستىرۋدىڭ باس سحەماسى ماقۇلداندى.
كەشە پرەمەر-مينيستر سەرىك احمەتوۆتىڭ توراعالىعىمەن وتكەن سەلەكتورلىق رەجىمدەگى ۇكىمەت وتىرىسىندا «جۇمىسپەن قامتۋدىڭ جول كارتاسى-2020» باعدارلاماسىن جۇزەگە اسىرۋ ماسەلەلەرى جانە 2013-2020 جىلدارعا ارنالعان اۋىل شارۋاشىلىعى سالاسىنىڭ كەشەندى جوسپارى تالقىلاندى. سونداي-اق, قازاقستان اۋماعىن ۇيىمداستىرۋدىڭ باس سحەماسى ماقۇلداندى.
وتىرىستا جۇمىسپەن قامتۋ باعدارلاماسىنا قاتىستى ماسەلەلەردى تالقىلاي كەلە, ۇكىمەت باسشىسى س.احمەتوۆ «باعدارلامانى ءجۇزەگە اسىرۋدىڭ قارقىنى جامان ەمەس. جول كارتاسىندا ەڭبەكپەن قامتۋ پروبلەمالارىن شەشۋدىڭ پارمەندى تەتىكتەرى ەسكەرىلگەن جانە بۇلاردىڭ بارلىعى ىسكە قوسىلۋى ءتيىس», دەپ اتاپ ءوتتى. پرەمەر-مينيستر كوپشىلىك باعدارلامانىڭ كىم ءۇشىن قۇرىلعانىن, ونىڭ ولارعا نە بەرەتىنىن, قالاي جۇمىس ىستەۋگە بولاتىنىن بىلە بەرمەيتىنىنە بايلانىستى بارلىق وڭىرلەرگە تيەسىلى بىرقاتار پروبلەمالار بار ەكەنىن جانە ول كەشىكتىرمەي جويۋدى تالاپ ەتەتىنىن ايتا كەلە, باعدارلاما بويىنشا حالىق اراسىندا ءتۇسىندىرۋ جۇمىستارى جەتكىلىكسىز ەكەنىن اتاپ كورسەتىپ, قايتا وقىتىلعانداردىڭ ەڭبەككە ورنالاسۋى پروبلەمالارىنا نازار اۋدارتتى.
«جەكەلەگەن وڭىرلەردە جۇمىسقا ورنالاستىرۋ دەڭگەيى 60 پايىزدى قۇرايدى. ءبىز تاعى دا بيۋدجەتتىك قارجىنى ءتيىمدى پايدالانۋ تۋرالى ايتامىز. ءاربىر ءوڭىردە ينفراقۇرىلىمدىق جوبالاردى جۇزەگە اسىرۋ بويىنشا جۇمىس بەرۋشىلەر تاراپىنان كەلىسىمشارتتار تالاپتارىن ساقتاماۋ دەرەكتەرى كەزدەسەدى», دەگەن س.احمەتوۆ بارلىق وڭىرلەر اكىمدەرىنىڭ جانە الماتى قالاسى اكىمىنىڭ نازارىن وسى باعىتتاعى جۇمىستاردى جاقسارتۋعا اۋداردى. ۇكىمەت باسشىسى باعدارلامانى ودان ءارى جۇزەگە اسىرۋ بارىسىن جەكەلەگەن وڭىرلەردىڭ مىسالى نەگىزىندە قاراستىرىپ, ولاردىڭ سوزدەرىن تىڭداۋدى ۇسىندى. وسىعان وراي, پرەمەر-مينيستر ەڭبەك جانە حالىقتى الەۋمەتتىك قورعاۋ مينيسترلىگىنە ناقتى ءوڭىردى انىقتاپ, وعان جاعدايدى زەرتتەۋ ءۇشىن جۇمىس توبىن جىبەرۋدى, بۇعان ەكونوميكا جانە بيۋدجەتتىك جوسپارلاۋ مينيسترلىگى, قارجى مينيسترلىگى, وڭىرلىك دامۋ مينيسترلىگى ماماندارىن تارتۋدى تاپسىرىپ, جەرگىلىكتى جەرلەردە, اۋداندار مەن قالالاردا «جۇمىسپەن قامتۋ جول كارتاسى-2020» باعدارلاماسىنىڭ ءجۇزەگە اسىرىلۋ بارىسىن تاپتىشتەپ قاراستىرۋعا نۇسقاۋ بەردى. «مەملەكەت باسشىسىنىڭ تاپسىرماسىن باسشىلىققا الا وتىرىپ, ءبىز جۇرگىزىلىپ جاتقان جۇمىستىڭ تيىمدىلىگىن قامتاماسىز ەتۋگە ءتيىسپىز», دەگەن پرەمەر-مينيستر باعدارلاماعا ەنگىزىلگەن تەتىكتەر مەن قۇرالداردىڭ ءتيىمدى قولدانىلۋى ۇكىمەتتىڭ ايرىقشا باقىلاۋىندا تۇرعانىن اتاپ كورسەتتى.
«جۇمىسپەن قامتۋدىڭ جول كارتاسى-2020» باعدارلاماسىنىڭ ورىندالۋ بارىسى, باعىتتارى جانە جۇزەگە اسىرىلۋ ناتيجەلەرى تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بايانداعان بولاتىن. ءمينيستردىڭ مالىمەتىنشە, بۇگىندە باعدارلاما نەگىزىندە 241 مىڭنان استام ادام جۇمىسقا ورنالاسىپ, ونىڭ 132 مىڭى تۇراقتى جۇمىس ورنىنا جىبەرىلگەن.
قازاقستان رەسپۋبليكاسىنىڭ اۋماعىن ۇيىمداستىرۋ باس سحەماسىنىڭ نەگىزگى ەرەجەلەرى تۋرالى وڭىرلىك دامۋ ۆيتسە-ءمينيسترى قايىربەك وسكەنباەۆ باياندادى. ونىڭ ايتۋىنشا, باس سحەما مەملەكەتتىك باسقارۋ جۇيەسىندە وڭتايلى شەشىم قابىلداۋعا مۇمكىندىك بەرەتىن نەگىزگى تەتىك بولىپ تابىلادى. ونىڭ كەپىلدەمەسى ايماقتىق جانە سالالىق ۇزاق مەرزىمدىك جوسپارلاۋ جانە ينۆەستورلارعا سەنىمدى باعدار ءۇشىن نەگىزگى بازا قىزمەتىن اتقارادى. بۇل – قازاقستاننىڭ 2030 جىلعا دەيىنگى اۋماقتى دامىتۋ ستراتەگياسىن انىقتايتىن نەگىزگى قۇجات. ول قالا قۇرىلىسى جوباسى شەڭبەرىنەن اسىپ, ەل دامۋىنىڭ ەكونوميكالىق جانە اۋماقتىق جوسپارلاۋىن قامتىپ وتىر. مۇندا, اسىرەسە, وڭىرلەردىڭ يندۋستريالىق مۇمكىندىكتەرىنە باسا نازار اۋدارىلعان. ماسەلەن, مينەرالدى-شيكىزات, ەنەرگەتيكالىق جانە سۋ رەسۋرستارىنىڭ قورى, ەڭبەك رەسۋرستارى مەن ماتەريالدى-تەحنيكالىق بازانىڭ قازىرگى جاعدايى بويىنشا وڭىرلەردىڭ جانە ەكونوميكا سالالارىنىڭ رەسۋرستىق مۇمكىندىكتەرى ەسكەرىلىپتى. سونداي-اق, قۇجاتتا اگرارلىق سەكتوردىڭ, ينجەنەرلىك, كولىكتىك جانە رەكرەاتسيالىق ينفراقۇرىلىمداردىڭ پروبلەمالارى مەن الەۋەتتى مۇمكىندىكتەرى قارالعان. ماسەلەن, وندا كۋرورتتىق جانە تۋريستىك ورتالىقتاردى دامىتۋدان باستاپ, ەكولوگيالىق ماسەلەلەردى شەشۋ جونىندەگى ستراتەگيالىق باعىتتار دا بەلگىلەنگەن.
وڭىرلىك دامۋ مينيسترلىگىنە وسى جىلدىڭ سوڭىنا دەيىن ايماقتاردى ۇيىمداستىرۋ باس سحەماسىنىڭ بەكىتۋگە ازىرلەۋ تاپسىرىلدى.
وتىرىستا, سونداي-اق, 2013-2020 جىلدارعا ارنالعان اۋىل شارۋاشىلىعى ونىمدەرىن قايتا وڭدەۋ مەن تاماق ونەركاسىبىن دامىتۋ بويىنشا ءىس-شارالار كەشەندى جوسپارىنىڭ جوباسى بەكىتىلدى. اۋىل شارۋاشىلىعى ونىمدەرىن قايتا وڭدەۋدى دامىتۋ بويىنشا ءىس-شارالار تۋرالى اۋىل شارۋاشىلىعى ۆيتسە-ءمينيسترى ءمۇسىلىم ومىرياەۆ باياندادى.
تالقىلاۋدى قورىتىندىلاي كەلە, ۇكىمەت باسشىسى اۋىل شارۋاشىلىعى مينيسترلىگىنىڭ, ەكونوميكا جانە بيۋدجەتتىك جوسپارلاۋ مينيسترلىگىنىڭ, دامۋ ينستيتۋتتارىنىڭ نازارىن اۋىل شارۋاشىلىعى ونىمدەرىن قايتا وڭدەۋ سالاسىن نەسيەلەۋ ماسەلەلەرىنە اۋداردى. «پايىزدىق مولشەرلەمە دەڭگەيى – 7 پايىز, ونى بىرتىندەپ ءتۇسىرۋ كەرەك. ءبىز وعان جىل سايىن قول جەتكىزەتىن بولامىز. ويتكەنى, نەسيەنىڭ پايىزدىق مولشەرلەمەسىن تومەندەتۋ بۇل سالاعا وتاندىق ءارى شەتەلدىك ينۆەستورلاردى تارتۋدا ىنتالاندىرۋشى تەتىك بولىپ تابىلادى», دەدى س.احمەتوۆ. وسىلايشا, اۋىل شارۋاشىلىعى مينيسترلىگىنە كەشەندi جوسپاردى iسكە اسىرۋدى قاتاڭ قاداعالاۋعا الىپ, قارجىلاندىرۋعا قاجەتتi قۇرالداردى دامۋ ينستيتۋتتارى ارقىلى تارتۋدى تاپسىردى.
دينارا بىتىكوۆا,
«ەگەمەن قازاقستان».
