«شارانىڭ ماقساتى – بيىلعى جىلدىڭ باستى مەرەكەسى تاۋەلسىزدىكتىڭ 30 جىلىندا جەتكەن جەتىستىكتەرىمىزدى ايگىلەپ, وسى ارالىقتا اتقارىلعان اسا ماڭىزدى ساياسي وقيعالار مەن ەكونوميكالىق ورلەۋ ىسىندەگى جەتىستىكتەرىمىزدى حالىققا كورسەتۋ», دەيدى كورمەنى ۇيىمداستىرۋشى تاراپ.
قوجا احمەت ياساۋي كەسەنەسىنىڭ ۇلكەن اقساراي جانە كىتاپحانا بولمەسى سورەلەرىندە ورنالاسقان جادىگەرلەر قاتارىنا: مەملەكەتىمىزدىڭ اتا زاڭى – قازاقستان كونستيتۋتسياسى مەن مەملەكەتتىك رامىزدەرى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تاۋەلسىزدىك جىلدارى اتقارعان ابىرويلى قىزمەتىن ايگىلەيتىن فوتوقۇجاتتار مەن وسى جىلدارى جارىق كورگەن ەلباسىنىڭ قۇندى ەڭبەكتەرى جانە مەملەكەت باسشىسى قاسىم-جومارت توقاەۆتىڭ جۋىقتا جاريالانعان «تاۋەلسىزدىك بارىنەن قىمبات» اتتى ماقالاسىنا قاتىستى ايتىلعان ۇزىك ويلار ءھام ەلىمىزدىڭ 30 جىلداعى ورلەۋ كەزەڭى تۋرالى باياندايتىن قۇندى مالىمەتتەر قويىلعان.
بۇل ماڭىزدى مادەني وقيعا جايلى پىكىر بىلدىرگەن مەكەمە باسشىسى نۇربولات قادىر ۇلى «اتا-بابامىز ارمانداعان ازاتتىق بايراعىن قولدا بەرىك ۇستاۋ – بۇگىنگى ۇرپاقتىڭ باستى پارىزى. ءاربىر قازاقستاندىق – وتانىن جۇرەگىمەن ءسۇيىپ, ونى وركەندەتۋ جولىندا ادال قىزمەت ەتەتىن پاتريوت بولۋى ءتيىس. بۇل كورمە جاستاردى ۇلتتىق قۇندىلىقتارىمىزدى قادىرلەۋگە, تاريحىن بىلۋگە ىقپال ەتەدى دەگەن ۇمىتتەنەمىز», – دەدى.
