«كەزدەسۋ بارىسىندا اسقار ءماميندى قاڭتار ايىندا وتكەن پارلامەنت سايلاۋىنان كەيىن قۇرىلعان قازاقستاننىڭ جاڭا ۇكىمەتتىنىڭ جۇمىسىن باستاعانىمەن قۇتتىقتادىم, قازاقستاننىڭ جانە بۇكىل تۇركى الەمىنىڭ دامۋ مۇددەسى جولىنداعى قىزمەتىنە ساتتىلىك تىلەدى»，دەيدى باعدات امىرەەۆ.
سونىمەن قاتار تۇركى كەڭەسىنىڭ باسشىسى ۇكىمەت باسشىسىنا كەڭەستىڭ جۇمىسىنا جاساپ جۇرگەن ەكپىندى قولداۋى مەن قازاقستاندىق مەملەكەتتىك-اتقارۋشى مەكەمەلەرىنىڭ ۇيىمنىڭ كۇن تارتىبىندەگى ماسەلەلەرىنىڭ بارلىعىنا دەرلىك ءتيىمدى شەشىم تابۋىنا ىقپال ەتىپ جۇرگەنىنە العىسىن جەتكىزدى.
وسى ورايدا پرەمەر-مينيستر تۇركى كەڭەسىنىڭ قىزمەتىنە وڭ باعاسىن بەرىپ, قازاقستاننىڭ الداعى ۋاقىتتا دا بىرىگىپ جۇمىس ىستەۋگە, ۇيىم شەڭبەرىندەگى ىنتىمىقتاستىققا تولىق قولداۋ بەرۋگە دايىن ەكەنىن ءبىلدىردى.
«اسقار مامينمەن بىرگە تۇركى الەمىندەگى بولىپ جاتقان ساياسي, ەكونوميكالىق جانە قوعامدىق وقيعالار توڭىرەگىندە جانە تۇركى كەڭەسى اياسىنداعى كوپجاقتى ىنتىماقتاستىقتىڭ وزەكتى ماسەلەلەرى تۋرالى پىكىر الماستىق. سونىمەن قاتار ءبىز جاقىندا تۇركىستان قالاسىندا وتەتىن تۇركى كەڭەسى مەملەكەت باسشىلارىنىڭ سامميتىنە دايىندىق بارىسىن, بۇل جوعارى دەڭگەيدەگى جيىننىڭ كۇن ءتارتىبى جانە دە وسى ماڭىزدى وقيعاعا بايلانىستى بىرقاتار ماسەلەلەر ءدى تالقىلادى», دەيدى تۇركى كەڭەسىنىڭ باسشىسى.
