قازاقستان • 01 اقپان، 2021

ەلىمىزدەگى اقىلى جولداردىڭ ۇزىندىعى 11 مىڭ شاقىرىمعا جەتەدى

يندۋستريا جانە ينفراقۇرىلىمدىق دامۋ مينيسترلىگىندە مينيستر بەيبىت اتامقۇلوۆتىڭ توراعالىعىمەن رەسپۋبليكالىق ماڭىزى بار اۆتوجولداردا اقىلى جۇيە ەنگىزۋ ماسەلەسىنە ارنالعان كەڭەس ءوتتى، دەپ حابارلايدى Egemen.kz

ايىم ءداۋىت

كەڭەس جۇمىسىنا ۆيتسە-مينيستر بەرىك كاماليەۆ، قر يدم اۆتوموبيل جولدارى كوميتەتىنىڭ توراعاسى سايرانبەك بارماقوۆ، «قازاۆتوجول «ۇك» اق باسقارما توراعاسى ۇلان ءالىپوۆ جانە «Computer Vision Technologies» جشس باسقارما توراعاسى زەينۇر مايتەكوۆ قاتىستى.

بۇگىنگى تاڭدا ۇزىندىعى 5،8 مىڭ شاقىرىم بولاتىن جولدىڭ 18 ۋچاسكەسىندە باقىلاۋ اركالارىن ورناتۋ بويىنشا قۇرىلىس-مونتاجداۋ جۇمىستارى اياقتالدى. 10 ۋچاسكە تەستىلىك پايدالانۋعا بەرىلدى. «شىمكەنت-وزبەكستان شەكاراسى»، «ورال- رف شەكاراسى (ساراتوۆ)»، «ورال – رف شەكاراسى (سامارا)» جانە اقتوبە – رف شەكاراسى (ورىنبور)»، «ششۋچينسك-پەتروپاۆل»، «شىمكەنت-قىزىلوردا»، «شىمكەنت-تاراز»، «تاراز-قاينار»، «قاپشاعاي-تالدىقورعان»، «قوستاناي-ترويتسك» ۋچاسكەلەرىندە 41 باعدارلامالىق-اپپاراتتىق كەشەن ورناتىلدى.

بارلىق باعدارلامالىق-اپپاراتتىق كەشەندەردى ورناتۋدى اياقتاپ، قالعان 8 ۋچاسكەنى تەستىلىك پايدالانۋعا بەرۋ جوسپارلانىپ وتىر.

جالپى ۇزىندىعى 5،8 مىڭ شاقىرىمدى قامتيتىن I كەزەڭ اياسىندا اقىلى ۋچاسكەلەردى 2021 جىلعى 30 ناۋرىزدا ىسكە قوسۋ جوسپارلانىپ وتىر.

ايتا كەتۋ كەرەك، 2021 جىلى ينۆەستيتسيالىق كەلىسىمشارت اياسىندا ۇزىندىعى 800 شاقىرىم بولاتىن 5 ۋچاسكەدە قۇرىلىس-مونتاج جۇمىستارى جوسپارلانعان. ولار: «پەتروپاۆل-رف شەكاراسى (قورعان)»، «ششۋچينسك – زەرەندى»، «تاسكەسكەن – باقتى»، «جەتىباي – جاڭاوزەن» جانە «اقتوبە – قارابۇتاق» ۋچاسكەلەرى.

بۇل ماسەلە بويىنشا جۇيەلى نەگىزدە وڭىرلەردە قوعامدىق تىڭداۋلار وتكىزىلەدى. 2020 جىلدىڭ جەلتوقسان ايىندا وسىنداي 15 قوعامدىق تىڭداۋ وتكىزىلدى. بيىل اقپان ايىندا 13 ۋچاسكە بويىنشا 58 قوعامدىق تىڭداۋ وتكىزۋ جوسپارلانعان.

ەستەرىڭىزگە سالا كەتەيىك، 2025 جىلعا قاراي قازاقستانداعى اقىلى جولداردىڭ ۇزىندىعى 11 مىڭ شاقىرىمعا جەتەدى. ودان تۇسكەن قاراجات جولداردى جوندەۋگە، كۇتىپ-ۇستاۋعا، اقى الۋ جۇيەلەرىنە قىزمەت كورسەتۋگە جانە ينۆەستورعا تولەۋگە جۇمسالادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز