كوروناۆيرۋس: قازاقستاندىقتار ءۇشىن قانداي وڭالتۋ ورتالىقتارى بار؟

ءوز كەزەگىندە اتالعان مəسەلەلەر ساناتوريا مەن كۋرورتتاعى دەمالىسقا، مەديتسينالىق تۋريزمگە دەگەن سۇرانىستى ارتتىرىپ، دامىتۋعا مۇمكىندىك بەرەدى. ەلىمىز ءوزىنىڭ بىرەگەي تابيعي رەسۋرستارىن پايدالانۋ ارقىلى كوروناۆيرۋستان كەيىن وڭالتۋ بويىنشا ساناتوريا مەن كۋرورتتاعى دەمالىستى ۇيىمداستىرۋ جاعىنان تمد-دا كوشباسشىسى اتانا الادى. قولايلى كليماتتىق جاعداي، مينەرالدى سۋ جəنە شيپالى بالشىقپەن ەمدەۋ ورنى بار ەلىمىزدىڭ بارلىق ءوڭىرى ەمدەۋ-ساۋىقتىرۋ سالاسىنىڭ دامۋىنا ىقپال ەتەدى.

بۇل سالاعا دەگەن سۇرانىستىڭ ارتۋىنا بايلانىستى قازاقستان رەسپۋبليكاسىنىڭ ۇلتتىق كۋرورت قاۋىمداستىعى ساناتوريا مەن كۋرورت وبەكتىلەرىن زەرتتەي كەلە، COVID-19-عا شالدىققان ادامداردى وڭالتۋ باعدارلاماسى بار 10 ۇزدىك ءساناتوريدى انىقتادى.

ماسەلەن، «سارىاعاش» كۋرورت ايماعىنداعى ساناتوريلەردىڭ ىشىندە كوروناۆيرۋستان كەيىن وڭالتۋ باعدارلاماسىن ۇسىناتىن ەڭ ۇزدىگى – «التىناي» مەن «قازاقستان KZ». سونىمەن قاتار بۇل تىزىمگە تۇركىستان وبلىسىنداعى «مانكەنت» شيپاجايى، جامبىل وبلىسىنداعى Merke Radon ءساناتوريى، جامبىل وبلىسى اكىمدىگىنىڭ دەنساۋلىق ساقتاۋ شجق «ايشا-ءبيبى» مكك ءساناتوريىنىڭ وڭالتۋ ورتالىعى كىرەدى.

ۇلتتىق كۋرورت قاۋىمداستىعىنىڭ تىزىمىندەگى ساناتوريالار مەن كۋرورتتار مىنالار:

الماتىدا – «قازاقستان» ءساناتوريى جانە Altyn Kargaly قوناق ءۇي-ءساناتوريى;

الماتىدان ءۇش شاقىرىم جەردە، ىلە الاتاۋىنىڭ ەتەگىندەگى – Almaty Resort ءساناتوريى;

اقمولا وبلىسىندا – «وقجەتپەس» ەمدەۋ ساۋىقتىرۋ كەشەنى;

باتىس قازاقستان وبلىسىندا – Nurbergen Health Resort ساناتوريى جانە اقتوبە وبلىسىندا – «شيپاگەر» ساناتوري – پروفيلاكتوريى.

ايتا كەتەيىك، Kazakh Tourism ۇلتتىق كومپانياسى قازاقستان رەسپۋبليكاسىنىڭ ۇلتتىق كۋرورت قاۋىمداستىعىمەن بىرلەسىپ، كۋرورتتىق ايماقتاردىڭ ينفراقۇرىلىمىن جانە ماتەريالدىق-تەحنيكالىق جاراقتاندىرىلۋىن ەسكەرە وتىرىپ، ساناتوريالار مەن كۋرورت وبەكتىلەرىنە زەرتتەۋ جۇرگىزدى. 173 ساناتوري مەن كۋرورتتى قامتىعان ينسپەكتسيا قورىتىندىسى بويىنشا جاڭارتىلعان ءتىزىم، ساناتوريلەر كاتالوگى əزىرلەندى.

www.kazakhstan.travel پورتالىنا جۇمىس ىستەپ تۇرعان ساناتوريلەر جايلى وزەكتى اقپارات ورنالاستىرىلدى. سونداي-اق ارنايى بەينەروليك جارىق كوردى.