«بۋك-م2ە» – جوعارى ءموبيلدى زاماناۋي زەنيتتىك زىمىران كەشەنى, ۇشۋ اپپاراتتارىن 99%-عا دەيىن زاقىمداۋ تيىمدىلىگى بار زىمىراندارمەن جابدىقتالعان.
اتالعان كەشەن قۇرامىنا جارىقتاندىرۋ جانە باعىتتاۋ راديولوكاتورى, نىسانداردى انىقتاۋ ستانتسياسى, كوماندالىق پۋنكت جانە ىسكە قوسۋ قۋاتتاۋ قوندىرعىلارى, سونداي-اق جاۋىنگەرلىك تاپسىرمالاردى ورىنداۋدى قامتاماسىز ەتۋگە ارنالعان جوندەۋ شەبەرحانالارى مەن ارنايى زەرتحانالار كىرەدى. زەنيتتىك زىمىران كەشەنى شىنجىر تابانمەن جۇرۋگە نەگىزدەلگەن. كەشەننىڭ باستى ارتىقشىلىعى ول قوزعالىستاعى اۋە نىسانالارىنا زىمىراندارىن ۇشىرۋدى ىسكە اسىرۋعا مۇمكىندىك بەرەتىن ۇتقىرلىعى مەن جوعارى وتىمدىلىگى بار.
«بۋك-م2ە» كوپفۋنكتسيونالدى زەنيتتىك زىمىران كەشەنى «الماز-انتەي» شقو كونتسەرنى» اق-دا دايىندالعان. قازىرگى ۋاقىتتا زاۋىت ماماندارى كەشەندى تاپسىرۋ جانە ونى قازاقستاننىڭ اشقق اسكەرلەرىنە قارۋلاندىرۋعا قويۋ جونىندە جۇمىستاردى جۇزەگە اسىرۋدا.
«بۋك-م2ە» ورتا قاشىقتىقتاعى اۋە شابۋىلىنا قارسى قورعانىس قۇرالدارى اراسىندا ءوزى تارىزدەس تەحنيكانىڭ ۇزدىگى دەپ اتاۋعا بولادى. جەتكىزىلگەن كەشەن اۋە كەڭىستىگىن جانە جاۋاپكەرشىلىك ايماعىنداعى ماڭىزدى وبەكتىلەردى قورعاۋ ءۇشىن اسكەرلەردىڭ جاۋىنگەرلىك مۇمكىندىكتەرىن ەداۋىر ارتتىرادى. سىناقتاردان كەيىن ول ەلدىڭ اۋە شابۋىلىنا قارسى قورعانىس جۇيەسىنە بىرىكتىرىلىپ, جاۋىنگەرلىك كەزەكشىلىككە تۇسەتىن بولادى», - دەپ قر قك اقك باس قولباسشىسى اۆياتسيا گەنەرال-لەيتەنانت نۇرلان ورمانبەتوۆ اتاپ ءوتتى.
كەشەننىڭ ەرەكشەلىگى – جارىقتاندىرۋ جانە باعىتتاۋ راديولوكاتورى. ءدال وسى ەرەكشەلىگى جاسىرۋعا ءتيىمدى جەر بەدەرلەرىندە دە ارەكەت ەتۋگە مۇمكىندىك بەرە وتىرىپ, تومەن ۇشاتىن قارسىلاستىڭ نىساندارىمەن كۇرەسۋگە ىقپال ەتەدى, سونداي-اق بۇل كەشەن زىمىراندارمەن قارۋلانعان, ونىڭ سيپاتتامالارىنا جارتىلاي بەلسەندى ءوزىن-ءوزى باسقارۋ كىرەدى.
«زەنيتتىك كەشەننىڭ ەسەپتەۋلەرى بۇگىنگى تەحنيكانى قولدانۋعا ازىرلىككە كەلتىرۋ بويىنشا نورماتيۆتەردى پىسىقتادى, قارسىلاستىڭ باسقارىلاتىن جانە دالدىگى جوعارى ۇشۋسىز قۇرالدارىن يميتاتسيالايتىن, كەيىننەن ولاردى جوياتىن اۋە نىسانالارىن انىقتاۋدى جۇزەگە اسىردى. اتىستار بۇل كەشەننىڭ تيىمدىلىگىن كورسەتتى, بارلىق نىسانالار الىندى», - دەدى اۋە شابۋىلىنا قارسى قورعانىس وفيتسەرى پولكوۆنيك اسحات تۇزەلباەۆ.
