فوتونى تۇسىرگەن بەرەكە سەيىتجاپپار
اۋدان بويىنشا 36 324 تۇرعىن ءۇي (77 %) تاۋلىك بويى ساپالى اۋىز سۋمەن قامتىلسا, 5 937 تۇرعىن ءۇي (12,6 %) كەستە بويىنشا, 4 941 ءۇي (10,4 %) تاسىمالدى سۋمەن قامتىلعان.
2020 جىلى كومەشبۇلاق سۋ جيناقتاۋىشىسىنان تۇران شاعىناۋدانى اينالما جولىنا دەيىنگى ۇزىندىعى 4,48 شاقىرىم سۋاققى قۇرىلىسى, تاسساي تۇرعىن الابى (111,58 شاقىرىم), تۇران (120,6 شاقىرىم), دوستىق (116,5 شاقىرىم), اسار-2 شاعىناۋدانى (156,1 شاقىرىم), دوستىق تۇرعىن الابىنداعى (34,2 شاقىرىم) ىشكى ورامدىق جۇيەلەرىنىڭ قۇرىلىس جۇمىستارى جۇرگىزىلدى.
اۋدان اۋماعىندا اۋىز سۋمەن قامتۋدى قاجەت ەتەتىن 6 ەلدى مەكەن بار. ولار – اسار-2 شاعىناۋدانى (2 كەزەك), بوزارىق ساياجايى, قايناربۇلاق, يسفيدجاب, سايرام, قىزىلسۋ تۇرعىن الاپتارىنىڭ جاڭاقۇرىلىس اۋماقتارى. اتالعان ەلدىمەكەندەر «شىمكەنت قالاسىن دامىتۋدىڭ 2020-2023 جىلدارعا ارنالعان ءىس-شارا جوسپارىنا» ەنگىزىلدى.
اۋداندا 37 169 تۇرعىن ءۇي (78,8%) قالالىق ەنەرگەتيكا جانە كوممۋنالدىق شارۋاشىلىق باسقارماسى مەن «وڭتۇستىك جارىق ترانزيت» مەكەمەسىنىڭ بالانسىنداعى, 10 033 ءۇي (21,2%) جەكە مەنشىكتەگى ەلەكتر ترانسفورماتورلارى ارقىلى ەلەكتر جارىعىن پايدالانىپ جاتىر. 2020 جىلى جالپى قۇنى 270 ملن تەڭگە 39,3 شاقىرىم جاڭا ەلەكتر جەلىسىن تارتۋ, 9 ترانسفورماتور ورناتۋ جۇمىستارى اتقارىلدى. قازىرگى تاڭدا 1 695 تۇرعىن ءۇيدى ساپالى ەلەكتر جارىعىمەن قامتۋ ماقساتىندا ابونەنتتەۋ جۇمىستارى جۇرگىزىلۋدە.
سونىمەن قاتار اسار-2 (2 كەزەك), بوزارىق-2 شاعىناۋدانى, دوستىق تۇرعىن الاپتارىن ساپالى ەلەكتر جارىعىمەن قامتۋ ماقساتىندا جسق ازىرلەنگەن. قايناربۇلاق تۇرعىن الابىن ساپالى ەلەكتر جارىعىمەن قامتۋ بويىنشا «بەرەكە» مەكەمەسى تاراپىنان ازىرلەنگەن جوباعا ساراپتاما قورىتىندىسى الىنىپ, 2021 جىلدىڭ بيۋدجەتىنە ۇسىنىلدى. قۇرىلىس جۇمىستارى 2021 جىلعا جوسپارلاندى.
سونداي-اق اۋداندا 34 833 ءۇي (73,7 %) تابيعي گازبەن قامتىلعان, قامتىلماعانى – 12 369 ءۇي (26,2%). وتكەن جىلى تابيعي گازبەن جابدىقتاۋ بويىنشا ماگيسترالدى جانە ىشكى ورامدىق جۇيەلەردىڭ (دوستىق, اسار-2 شاعىناۋدانى) قۇرىلىس جۇمىستارى ورىندالدى.
