سكرينينگ 2, ياعني 0 جاستان 18 جاسقا دەيىنگى بالالارعا جانە 30 جاستان 70 جاسقا دەيىنگى جاس ساناتىنا جاسالادى. بالالار كامەلەتكە تولعانعا دەيىن جىل سايىن پروفيلاكتيكالىق تەكسەرىپ-قاراۋدان ءوتىپ تۇرۋلارى ءتيىس.
تەكسەرىپ-قاراۋ ەشقانداي سيمپتومدار بولماعان جاعدايدا دا, ءوز دەنساۋلىعىڭا دەگەن سەنىمدىلىك ءۇشىن قاجەت. سكرينينگ تەگىن جاسالادى. پروفيلاكتيكالىق تەكسەرىپ-قاراۋدى قارجىلاندىرۋ مىندەتتى الەۋمەتتىك مەديتسينالىق ساقتاندىرۋ قورىنىڭ قارجىسى ەسەبىنەن ىسكە اسىرىلادى, سوندىقتان سكرينينگ ءوتۋ ءۇشىن ساقتاندىرىلۋشى مارتەبەسىنىڭ بولۋى قاجەت.
سوڭعى جىلدارى سكرينينگتىك باعدارلامالاردىڭ كەڭەيۋىنە بايلانىستى قازاقستاندا قاناينالىم جۇيەسىنىڭ اۋرۋلارى, ونىڭ ىشىندە ەگدە جانە قارتايعان جاستا جۇرەكتىڭ يشەميالىق اۋرۋلارىنىڭ ءوسۋ بارىسى انىقتالدى. سوندىقتان قاناينالىم جۇيەسىنىڭ اۋرۋلارىن انىقتاۋ بويىنشا امبۋلاتوريالىق-ەمحانالىق جۇمىستاردىڭ تيىمدىلىگىن ارتتىرۋ قاجەت. ەڭ ماڭىزدى پروبلەمالاردىڭ ءبىرى – قانت ديابەتى اۋرۋىنا شالدىققاندار سانىنىڭ ءوسۋى. الەۋمەتتىك ماڭىزدى اۋرۋلار زور ەكونوميكالىق زيان كەلتىرەدى جانە ءومىر ءسۇرۋ ۇزاقتىعىن تومەندەتەدى. سونىمەن قاتار ەرتە انىقتاۋ جانە دياگنوستيكالاۋ مەن ەمدەۋدىڭ جوعارى تەحنولوگيالىق ادىستەرىن كەڭىنەن قولدانۋ قاناينالىم جۇيەسىنىڭ اۋرۋلارى جانە قانت ديابەتىنەن بولاتىن ءولىم-ءجىتىم كورسەتكىشتەرىن ازايتۋعا مۇمكىندىك بەرەدى.
وسى باعدارلامانى جۇزەگە اسىرۋ شەڭبەرىندە كارديولوگيا جانە ىشكى اۋرۋلار عىلىمي-زەرتتەۋ ينستيتۋتى توقسان سايىن ەرەسەك تۇرعىندار اراسىندا قاناينالىم جۇيەسىنىڭ اۋرۋلارى جانە قانت ديابەتىن ەرتە انىقتاۋ ءۇشىن حالىقتىڭ نىسانالى توپتارىنا سكرينينگتىك تەكسەرىپ-قارالۋىنا مونيتورينگ جۇرگىزۋ جانە وعان تالداۋ جاساۋدى جۇزەگە اسىرادى.
وڭىرلەرمەن جۇمىس جۇرگىزۋ ءبولىمىنىڭ باسشىسى راۋشان قابىكەنوۆانىڭ ايتۋىنشا, رەسپۋبليكامىزدىڭ امبۋلاتوريالىق-ەمحانالىق ۇيىمدارىنىڭ بەلسەندى جۇمىسىنىڭ ناتيجەسىندە نىسانالى تەكسەرىلىپ-قاراۋدان وتەتىندەردىڭ سانى جىل سايىن ارتىپ كەلەدى. وسىلايشا, تەك 2020 جىلدىڭ 12 ايىندا 1,5 ملن استام ادام, ياعني تەكسەرۋگە ءتيىستى تۇرعىنداردىڭ 94%-ى قاناينالىم جۇيەسىنىڭ اۋرۋلارىنا قارالدى. حالىقتىڭ نىسانالى توپتارىن تەكسەرىپ-قاراۋدىڭ ناتيجەسىندە 65 مىڭنان استام ادامدا (4,3%) قاناينالىم جۇيەسىنىڭ اۋرۋىنىڭ ەرتە ساتىسى انىقتالدى, ولاردىڭ ىشىندە 88%-ى ديسپانسەرلىك ەسەپكە الىندى.
«قانت ديابەتىن ەرتە انىقتاۋعا حالىقتىڭ نىسانالى توپتارىن تەكسەرىپ-قاراۋدىڭ جاعدايى دا وسىنداي. تەك 2020 جىلى سكرينينگپەن 1,6 ملن. استام ادام قامتىلدى, بۇل تەكسەرىلۋگە تيىستىلەردىڭ 93%-ىن قۇرايدى. بۇل رەتتە 12 مىڭنان استام قانت ديابەتىمەن اۋىراتىندار (0,78%) انىقتالدى. ولاردىڭ بارلىعىن ەمحانالار ديسپانسەرلىك ەسەپكە الىپ, تۇراقتى تۇردە تەگىن دارىمەن قامتاماسىز ەتەتىن بولادى», دەدى راۋشان قاسىموۆنا.
«سكرينينگ دەنساۋلىققا مونيتورينگ جۇرگىزۋدىڭ ماڭىزدى كەزەڭى, سوندىقتان پروفيلاكتيكالىق ماقساتتا ونى ۇنەمى جانە ۋاقىتىلى ءوتۋدىڭ ماڭىزى زور», دەپ كىا عزي ءبولىم باسشىسى ءوز ويىن تۇيىندەدى.
