جوبانىڭ باستى ماقساتى – ەرەكشە قاجەتتىلىكتەرى بار جولاۋشىلار ءۇشىن ۇشۋلاردى بارىنشا قولايلى ەتۋ.
كورىنبەيتىن شەكتەۋلەرى بار جولاۋشىلارعا ءتيىستى كۋالىگى بولعان جاعدايدا (اۋتيزم دياگنوزىن راستاۋ ءۇشىن دكك قورىتىندىسى قاجەت) باسىم تارتىپپەن قىزمەت كورسەتىلەدى. وسىنداي قۇجاتتاردى ۇسىنعان جولاۋشىلارعا اۋەجايدا ءتيىستى لانيارد (لەنتالار) بەرىلەدى.
ول ءۇشىن اۋە بيلەتىندە كورسەتىلگەن ۇشۋ ۋاقىتىنان 48 ساعات بۇرىن قىزمەت كورسەتۋگە ءوتىنىم بەرۋ قاجەت. اۋەجايعا كەلگەننەن كەيىن ءاۋتيزمى بار جولاۋشىنىڭ الىپ جۇرەتىن ادامى ارنايى لانيارد الۋ ءۇشىن انىقتاما بيۋروسىنا جۇگىنە الادى.
لانيارد اۆياتسيالىق قاۋىپسىزدىك, تىركەۋ, سونداي-اق اۋەجايدا شەكارا جانە كەدەن قىزمەتتەرىنىڭ قىزمەتكەرلەرىنە كورىنبەيتىن مۇگەدەكتىگى بار جولاۋشىلاردى سايكەستەندىرۋگە مۇمكىندىك بەرەدى (ولاردى الىپ ءجۇرۋ جانە راسىمدەردى باسىم تارتىپپەن ءوتۋ ءۇشىن).
قاجەت بولعان جاعدايدا جولاۋشى اەروۆوكزال بويىنشا جانە اۋە كەمەسىنە دەيىن ءجۇرىپ-تۇرۋ ءۇشىن مۇگەدەكتەر ارباسىن, سونداي-اق انا مەن بالا بولمەسىن پايدالانا الادى.
قازاقستان اۋتيزم قاۋىمداستىعىنىڭ ءتورايىمى نۇريا بالتابايقىزى قر يدم ازاماتتىق اۆياتسيا كوميتەتىنىڭ توراعاسى لاستاەۆ تالعات تىلەۋبەك ۇلىنا, توراعا ورىنباسارى سالتانات تومپيەۆاعا, قازاقستاننىڭ اۆياتسيالىق اكىمشىلىگى دەپارتامەنتىنىڭ ديرەكتورى نۇرجان مالاەۆقا, جوبانىڭ بارلىق قاتىسۋشىلارى, قر يدم ازاماتتىق اۆياتسيا كوميتەتى جانە استانا اۋەجايىنىڭ قىزمەتكەرلەرى ەرەكشە قاجەتتىلىكتەرى بار بالالار مەن ەرەسەكتەردىڭ يگىلىگى ءۇشىن بىرلەسكەن ىنتىماقتاستىعى جانە اتقارعان وراسان زور جۇمىسى ءۇشىن (2019 جىلعى قاراشادان 2021 جىلعى قاڭتارعا دەيىن) ەرەكشە العىسىن بىلدىرەدى.
