قوعامدىق كولىكتەرگە ەلەكتروندى تولەم جۇيەسى ەنگىزىلگەننەن كەيىن تۇرعىندار مەن كولىك قىزمەتكەرلەرى اراسىندا جول اقىسى جونىندە ماسەلە تۋىندادى. جولاۋشىلار ۆاليداتورلاردىڭ ءجيى ىستەن شىعاتىنى جانە كوندۋكتورلاردىڭ جول اقىسىن قولما-قول اقشامەن تولەۋدى تالاپ ەتەتىنى تۋرالى شاعىمدانا باستادى.
قالا اكىمى مۇرات ايتەنوۆتىڭ تاپسىرماسىنا سايكەس جول اقىسىن تولەۋ بويىنشا جاڭا ءتارتىپ ەنگىزىلدى. ەندى قوعامدىق كولىكتەردە ەلەكتروندى تولەم جۇيەسىندە تەحنيكالىق اقاۋ بولعان جاعدايدا, جولاۋشىلار تەگىن جۇرەدى.
شاھاردا ورتالىق پەن شالعاي اۋداندارعا شىعاتىن جولدا حالىق كوپ شوعىرلاناتىن ورىندار بار. ولار ءنۇرسات شاعىن اۋدانىنداعى «گيمناستيكا», «Hyper house» ايالداماسى, سامال جانە اۆتونۇر بازارلارى, كومەش بۇلاق (كولوس), «Mega Planet» پەن «وبلىستىق اسكەري كوميسساريات» ايالدامالارى.
ماقسۇت پەرنەباي ۇلى وسى ايالدامالاردى ارالاپ, تۇرعىنداردى 1 اقپاننان باستاپ «تولەم» جۇيەسىنە قاتىستى جاڭا تارتىپپەن تانىستىرىپ, جولاۋشىلاردىڭ وسى سالاعا قاتىستى شاعىمىن تىڭدادى.
ايتا كەتەيىك, جولاۋشىلار تولەمدەردى SMS ارقىلى تولەۋگە بولادى. ول ءۇشىن قوعامدىق كولىك ىشىندە كورسەتىلگەن ارنايى كودتى 2222 نومىرىنە SMS رەتىندە جولدايسىز. جولاقىسى ابونەنتتىك بىرلىكتەن الىناتىن بولادى.
