ساياسات • 01 اقپان، 2021

يگى باستامالارمەن ەرەكشەلەنگەن جىل

12 رەت كورسەتىلدى

اقپارات جانە قوعامدىق دامۋ مينيسترلىگىنىڭ كەڭەي­تىل­گەن القا وتىرىسى ءوتتى. ونلاين فورماتتا تىكەلەي ەفيردەن كورسەتىلىپ، بەينەكونفەرەنتس-بايلانىس ارقىلى ۇيىمداستىرىلعان جيىن بارىسىندا ۆە­دوم­ستۆو­نىڭ وتكەن جىلى ات­قار­عان جۇمىستارى قو­رى­تىن­دىلانىپ، بيىلعى جوس­پارلارى مەن جوبالارى تالقىلاندى.

جيىنعا پرەمەر-ءمي­نيستر­دىڭ ورىنباسارى ەرالى توعجانوۆ، پرەزيدەنت اكىمشىلىگىنىڭ جاۋاپ­تى قىزمەتكەرلەرى، پارلامەنت سە­­ناتى مەن ءماجى­لىسىنىڭ دەپۋتات­تارى، قوعامدىق كەڭەستىڭ، بۇ­قارالىق اقپارات قۇرالدارىنىڭ، ۇكىمەتتىك ەمەس ۇيىمدار مەن ءدىني بىرلەستىكتەر وكىلدەرى قاتىستى.

وتىرىس بارىسىندا ءسوز ال­عان­دار اقپارات پەن قوعامدىق دا­مۋ سالاسىنداعى  ماڭىزدى جوبا­لار تۋ­رالى ايتتى. ازاماتتىق قو­­عام سالاسىندا اتقارىلعان جۇ­مىس­تار تۋرالى ۆيتسە-مينيستر بو­لات تىلەپوۆ، اقپاراتتىق جۇمىس جا­نە مەديا سالانى دامىتۋ تۋرالى ۆيتسە-مينيستر كەمەلبەك وي­شى­باەۆ، جاستار جانە وتباسىلىق سايا­­سات سالاسىندا اتقارىلعان جۇ­مىستار جونىندە ۆيتسە-مينيستر اسحات ورالوۆ بايانداما جاسادى، سون­­داي-اق ءدىن ىستەرى كوميتەتىنىڭ تور­­اعاسى ەرجان نۇكەجانوۆ ءسوز سويلەدى.

بۇدان بولەك، قازاقستاننىڭ ازاماتتىق اليان­سىنىڭ پرە­زي­دەنتى بانۋ نۇرعازيەۆا، «Ata­meken Business» باس ديرەكتورى قانات ساحاريانوۆ پاندەميا كە­زىندەگى ازاماتتىق قوعامدى دا­مىتۋدىڭ وزەك­تى ماسەلەلەرى، اق­پاراتتىق سالا­نىڭ دامۋى جونىن­دە ءوز ۇسىنىستارى مەن پىكىرلەرىن جەتكىزدى.

اقپارات جانە قوعامدىق دا­مۋ ءمينيسترى ايدا بالاەۆا ءوز سو­زىندە 2020 جىلعى نەگىزگى ناتي­جە­لەر مەن مينيسترلىكتىڭ 2021 جىل­عا ارنالعان مىندەتتەرىن اتاپ ءوتتى. ونىڭ ايتۋىنشا، 2020 جى­لى مينيسترلىكتىڭ الدى­نا قو­­يىل­­عان بارلىق مىن­دەت كورو­نا­­ۆي­رۋس­تىق پاندەمياعا بايلا­نىس­تى وز­­گەرىستەردى ەسكەرە وتىرىپ تو­لىق­تاي جۇزەگە اسىرىلدى.

– مەملەكەتتىڭ نەگىزگى يدەولو­گيالىق ورگان­دا­رى­نىڭ ءبىرى رەتىن­دە ءبىزدىڭ مينيسترلىككە جۇكتەل­گەن مىندەتتەردىڭ ورنى ەرەكشە. ۆە­دومستۆو تىكەلەي جاۋاپ بەرەتىن ەكى ۇلكەن باعىت – اقپا­راتتىق سايا­سات پەن قوعامدىق قاتىناستار. ەكەۋى دە ەل پرەزيدەنتى ەرەكشە سەنىپ تاپسىرعان، جاۋاپ­كەرشىلىگى مول سان ءتۇرلى سالادان تۇرادى. ەڭ باس­تىسى – ەلدىڭ رۋحاني كەمەلدىگى مەن ساياسي تۇراق­تىلىعى، قوعامدىق بەرەكەسى مەن باستاعان ءىستىڭ بايان­دىلىعى كوپ جاعدايدا وسى ءبىزدىڭ مينيستر­لىكتىڭ جۇمىسىنا بايلانىستى. بۇل جاۋاپ­كەرشىلىكتى ءبىز جاقسى تۇسىنەمىز، سالماعىن سەزىنەمىز، – دەدى ايدا بالاەۆا.

ۆەدومستۆو باسشىسى ەل پرە­زي­دەنتى العا قوي­عان ماڭىزدى ماسە­لەلەرگە دە توقتالىپ، سونىڭ ىشىن­دە «حالىق ۇنىنە قۇلاق اساتىن مەم­لەكەت» تۇجىرىمداما­سىن ىسكە اسى­رۋدىڭ ايرىقشا ما­­ڭىز­دىلىعىن العا تارتتى. «مەم­لە­كەت باسشى­سىنىڭ «حالىق ۇنى­نە قۇلاق اساتىن مەملەكەت» تۇ­جى­رىمداماسىن جۇزەگە اسىرۋ – ءاربىر مەملە­كەتتىك ورگاننىڭ تىكەلەي مىندەتى. ارينە، بۇل تۇجىرىمداما بويىنشا مەملە­كەت تەك «تىڭ­داۋشى» عانا ەمەس، قا­جەت اقپاراتقا جالپاق جۇرت­تىڭ قو­لىن جەتكىزىپ، ءاردايىم ءوزارا باي­لانىستا بولۋدى كوزدەيدى. مۇ­نىڭ ءبارى، ءسوز جوق، حالىققا ءبىر تا­بان جاقىنداۋدا 2020 جىلعا بەرە­تىن وڭ باعا دەپ بىلەمىن»، دەدى ايدا بالاەۆا.

ءمينيستردىڭ ايتۋىنشا، قو­عام­دىق كوڭىل كۇيدى تۇراق­تان­دىرۋدىڭ شەشۋشى فاكتورلارىنىڭ ءبىرى – جال­عان اقپاراتتى جەدەل تەرىسكە شىعارۋ جانە حالىقتى stop­fake.kz جانە coronavirus2020.kz سايتتارىندا كۆي دامۋ ديناميكاسى مەن اۋقىمى تۋرالى ۇنەمى حاباردار ەتۋ بولىپ وتىر. «مينيستر­لىك وتكەن جىلى جۋرناليستەردىڭ بىلىك­تىلىگىن ارتتىرۋ جانە قايتا دايارلاۋ كۋرسىن، سونداي-اق سالا­لىق جۋرناليستيكانى دامىتۋدى باستادى. قازىرگى ۋاقىتتا بۇل باس­تامالار جۇزەگە اسىرىلىپ جاتىر»، دەدى ايدا بالاەۆا.

ۆەدومستۆو باسشىسى مەملە­كەتتىك اقپاراتتىق تاپسىرىس­تار­­دى بەرۋدىڭ جاڭا ەرەجەلەرى، باق تۋرالى جاڭا زاڭدى ازىر­لەۋ جانە تەلەارنالاردا وتاندىق اق­پاراتتىق كونتەنت ۇلەسىن ارتتىرۋ بويىنشا جۇرگىزىلگەن جۇ­مىستارعا دا توقتالدى. اتاپ ايت­قاندا، 2020 جىلى شەتەل­دىك كونتەنت 30 پايىز­عا قىسقار­تىل­­عان. «ماقسات – مەم­لەكەتتىڭ بىر­ىڭعاي اقپاراتتىق سايا­ساتىنىڭ زاڭنامالىق قامتاماسىز ەتىلگەن تەتىكتەرىن قالىپتاستىرۋ. وسى ورايدا باق تۋرالى جاڭا زاڭ 2022 جىلى ازىرلەنىپ، قابىلدانۋى ءۇشىن بيىل وسى زاڭ جوبا­سى­نىڭ تۇ­جىرىمداماسى كەڭىنەن تالقى­لاۋ­عا ۇسىنىلادى»، دەدى مينيستر.

سونىمەن قاتار ايدا با­لاەۆا كەلەسى اپتادا وبلىستاردا ون­لاين رەجىمدە دە، وفلاين رە­جىم­دە دە ۇيىمداستىرىلاتىن «مي­نيسترلىك كۇندەرى» باستالاتىنىن ايتتى. وسى ءىس-شارالار اياسىندا بارلىق وبلىس تۇرعىندارىن مەم­لەكەتتىك ورگان جۇرگىزىپ جات­قان جۇمىستارمەن تانىستىرۋ جوسپارلانۋدا.

ءمينيستردىڭ ايتۋىنشا، ازا­مات­تىق قوعام­مەن تىعىز بايلانىس ورناتۋ – مينيسترلىك قۇزى­رىن­داعى نەگىزگى سالالاردىڭ ءبىرى. وتكەن جىلى 27 تامىزدا مەملەكەت باس­­­­­شىسىنىڭ جارلىعىمەن ازا­ماتتىق قوعامدى دامىتۋ تۇجى­رىمداماسى قابىلدانعان بولاتىن.

«بۇل قۇجات ەلىمىزدەگى ازا­مات­­­تىق سەكتوردى دامىتۋدىڭ ال­­­­داعى ون جىلعا ارنالعان نەگىز­گى سترا­­تەگيالىق باعىتتارىن اي­قىن­­­­دايدى. ونىڭ ۇلكەن ءبىر ءبو­لىمى –  ساپالى زاڭ شىعارۋ. بۇل رەتتە، وزدەرىڭىز بىلەسىزدەر، قو­عام­­­­دىق كەڭەس­تەردىڭ مۇمكىندىگىن كەڭەيتەتىن جانە مۇنداي كەڭەس­تەردى كۆازيمەملەكەتتىك سەكتوردا دا قۇرۋدى مىندەت­تەيتىن زاڭعا قول قويىلدى. بۇگىندە «قوعامدىق با­قى­لاۋ تۋرالى» جاڭا زاڭ جوباسى مەن وعان ىلەسپە «ونلاين-پەتيتسيا» تۋرالى تولىقتىرۋلار قوعامدا قى­زۋ تالقىدان ءوتىپ جاتىر»، دەدى ايدا بالاەۆا.

ۆەدومستۆو باسشىسى ۆولون­تەر­لەردىڭ قىزمەتى وتكەن جىلمەن عانا شەكتەلمەي، ءارى قاراي جال­عا­سىن تاباتىنىن دا اتاپ ايتتى. «مەم­لەكەت باسشىسىنىڭ باستاماسىمەن جاريالانعان ۆولونتەر جىلى ەرىكتىلەر قوزعالىسىنىڭ دامۋىنا تىڭ سەرپىن بەرگەن جاسامپاز جوبا بولدى. سوندىقتان دا ەل پرەزيدەنتى ۇكىمەتكە بۇل جۇمىستى تۇراقتى تۇردە جالعاستىرۋدى تاپسىردى. قازىر ارنايى جول كارتاسى جاساقتالىپ، ىسكە اسىرۋعا دايىن. مۇنىڭ ءوزى  ۆولونتەرلىك ۇعىمىنىڭ اۋقىمى كەڭ جانە ول ءبىر جىلمەن نەمەسە ءبىر جوبا اياسىندا عانا شەكتەلمەيتىندىگىن كور­سەتەدى»، دەدى ايدا بالاەۆا.

القا وتىرىسىن قورىتىندى­لاي كەلە، ۇكى­مەت باسشىسىنىڭ ورىنباسارى ەرالى توعجانوۆ مينيس­ترلىك باسشىلىعىنا بىر­قاتار تاپ­سىرما بەر­دى. ۆيتسە-پرەمەر ءوز سو­زىندە قازاقستان تا­ۋەل­­سىزدى­گىنىڭ 30 جىلدىعىن مەرە­كەلەۋ جو­نىن­دەگى رەسپۋبليكالىق جوس­پار اياسىنداعى ءىس-شارالار­دىڭ جو­عارى دەڭگەيدە ءوتۋىن قامتاماسىز ەتۋ ما­ڭىزدى ەكەنىن اتاپ ءوتتى. «جوس­پار­لانعان ءىس-شارالاردى جو­عارى دەڭگەيدە ىسكە اسى­رۋعا كۇش سالىپ، تاۋەلسىزدىك جىلدارى قول جەت­­كىزىلگەن ناتيجەلەرىمىزدى ەل ىشىن­دە دە، حالىق­ارالىق دەڭگەيدە دە كورسەتە ءبىلۋىمىز كەرەك»، دەدى ەرالى توعجانوۆ.

القا وتىرىسىنىڭ سوڭىندا ايدا بالاەۆا جيىندا ايتىلعان بارلىق ۇسىنىس ەسكەرىلىپ، بەرىلگەن تاپسىرمالار بۇلجىتپاي ىسكە اسىرىلاتىنىن جەتكىزدى.

 

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار