جوبا ماقساتى: ەرەكشە ءبىلىم الۋ قاجەتتىلىكتەرى بار بالالارعا بولاشاقتا ماماندىعىنا اينالاتىن كاسىپتى ۇيرەتۋ ارقىلى جاڭا مۇمكىندىك سىيلاۋ, بالانى جاڭا قىرىنان اشۋ جانە دامىتۋ, ەرەكشە بالالاردى الەۋمەتتىك بەيىمدەۋگە جاردەمدەسۋ جانە ولاردىڭ بوس ۋاقىتىن ءتيىمدى وتكىزۋدى ۇيىمداستىرۋ. سونىمەن قاتار انيماتسيا مەكتەبى تۇلەكتەرىن بولاشاقتا جۇمىسپەن قامتۋ مۇمكىندىگىن قاراستىرۋ.
وقۋشىلار العاشقى ايدا «انيماتسيا نەگىزدەرى» تاقىرىبىنداعى جالپى دارىسكە قاتىسىپ, انيماتسيا سالاسىمەن تانىسادى. ءارى قاراي قىزىعۋشىلىعى مەن بەيىمىنە, مۇمكىندىگىنە قاراي بىرنەشە توپقا ءبولىپ وقىتىلادى:
1-توپ - 2D اnimation توبى;
2-توپ - 3D اnimation توبى;
3-توپ - Stop Motion توبى;
4-توپ - سut-out اnimation (قاعازدان قيىلعان انيماتسيا) توبى;
5-توپ - ەرمەكسازدان انيماتسيا جاساۋ توبى
انيماتسيالىق مەكتەپ كۋرسقا قاتىسۋشىلاردى 5 توپقا ءبولىپ, ارنايى وقۋ كەستەسىنە سايكەس ءبىلىم بەرەدى. نەگىزگى ساباق كەستەسىنەن بولەك, انيماتسيا سالاسىنا قاتىستى شەبەرلىك سىنىپتارى ۇيىمداستىرىلادى. بۇل شەبەرلىك ساباقتارىنا ەلىمىزدەگى بىلىكتى ماماندار تارتىلادى.
جوباعا 14-16 جاستاعى 30 بالا ىرىكتەلىپ, وقىتۋ ناۋرىز-تامىز ايلارى ارالىعىندا ونلاين فورماتتا جۇرگىزىلەدى.
وقۋشىلاردى قابىلداۋدا قويىلاتىن تالاپتار:
-كورۋ, ەستۋ, ويلاۋ قابىلەتىنىڭ قالىپتى بولۋى;
-بەينەلەۋ ونەرىنە, انيماتسيا سالاسىنا دەگەن قىزىعۋشىلىق دەڭگەيى ەسكەرىلەدى.
وقۋ كۋرسى اقىسىز نەگىزدە, قايىرىمدىلىق جوباسى رەتىندە جۇزەگە اسىرىلادى. وقىتۋ «قازاقستان» تەلەراديوكورپوراتسياسىنىڭ ۇيىمداستىرۋىمەن جەكە انيماتسيالىق ستۋديالاردىڭ, ەلىمىزدەگى جەتەكشى مۋلتيپليكاتسيا ماماندارىنىڭ اتسالىسۋىمەن ەرىكتى تۇردە جۇرگىزىلەدى.
«ەرەكشە ءبىلىم الۋ قاجەتتىلىكتەرى بار بالالارعا ارنالعان انيماتسيا مەكتەبىنە» وتىنىمدەر balapantv@kaztrk.kz ەل.پوشتاسى ارقىلى 22 اقپانعا دەيىن قابىلدانادى. ءوتىنىش بەرۋشى اتى-ءجونى, جاسى, بايلانىس ءنومىرىن جازىپ, كۋرستى تاڭداۋ سەبەبى تۋرالى اۋديو نەمەسە ۆيدەو جولداي الادى. وتىنىمدەردى ارنايى قۇرىلعان ىرىكتەۋ كوميسسياسى قاراستىرادى.
قوسىمشا اقپارات: 8 (717) 2 75 70 89, +77784128880.
