سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالالىق دەپارتامەنتى شتابى وكىلدەرى مەن قىلمىستىڭ جولىن كەسۋ باسقارماسى قىزمەتكەرلەرىنىڭ قاتىسۋىمەن وتكەن كەڭەستە «سىبايلاس جەمقورلىقتىڭ جولىن كەسۋ – سىبايلاس جەمقورلىققا قارسى قىزمەتتىڭ نەگىزگى باعىتى» تاقىرىبى بويىنشا ماسەلەلەر تالقىلاندى. فيليال قىزمەتكەرلەرىنە سىبايلاس جەمقورلىقتى قابىلدامايتىن سانانى ترانسفورماتسيالاۋ تەتىگى رەتىندە پاراساتتىلىق نەگىزىندەگى جۇمىس قاعيداتتارى, سىبايلاس جەمقورلىقتى رۋحانيەتيكالىق دەڭگەيدە قابىلداماۋ احۋالىن قالىپتاستىرۋ تۋرالى تولىق ءتۇسىندىرىلدى.
«بۇگىندە ەلىمىزدىڭ سىبايلاس جەمقورلىققا قارسى ساياساتى سىبايلاس جەمقورلىقتىڭ الدىن الۋ جانە ەسكەرتۋ تەتىكتەرىنە نەگىزدەلگەن. ەل پرەزيدەنتى سىبايلاس جەمقورلىقتىڭ سەبەبى مەن شارتتارىن جويماي ونىمەن كۇرەسۋ, بۇل – جەل ديىرمەنمەن الىسۋ ەكەنىن ناقتى اتاپ ءوتتى. سوندىقتان, فيليال سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتىمەن بىرلەسىپ سىبايلاس جەمقورلىق قىلمىستاردىڭ الدىن الۋ بويىنشا تۇراقتى نەگىزدە ءىس-شارالار وتكىزەدى. ويتكەنى, سىبايلاس جەمقورلىق - بۇل تەرەڭ الەۋمەتتىك اۋرۋ جانە ونى تەك ورتاق كۇش-جىگەرمەن جەڭۋگە بولادى», - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالاسى بويىنشا فيليالىنىڭ ديرەكتورى دانيار قىرىقباەۆ.
ۇيىمداستىرۋشىلار ەڭ وسال سالالاردا سىبايلاس جەمقورلىققا قارسى الدىن الۋ شارالارىنىڭ ءرولى بۇرىنعىدان دا جوعارى ەكەنىن اتاپ ءوتتى.
«سىبايلاس جەمقورلىق – ەكى جاقتى جىلجيتىن جول. مۇندا تەك پارا الۋشى عانا ەمەس, پارا بەرۋشى دە بار. سوندىقتان بۇگىندە پاراساتتىلىق يدەولوگياسىن ىلگەرىلەتۋ بويىنشا بەلسەندى جۇمىس جۇرگىزۋدەمىز», – دەيدى سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى شتابىنىڭ جەتەكشىسى زەينالوۆ نيزام اسان ۇلى.
كەڭەس سوڭىندا قاتىسۋشىلارعا سىبايلاس جەمقورلىق قىلمىستارىنىڭ الدىن الۋ بويىنشا تاپتىرماس ۇلگى رەتىندە قابىلداعان ارنايى دايىندالعان بەينەروليكتەر كورسەتىلدى.
قىزمەتكەرلەردىڭ ءىس-شارا بارىسىندا العان بىلىمدەرى, ولاردى ومىردە تۋىنداعان كەز كەلگەن جەمقورلىق اتاۋلىدان اۋلاق ەتەتىنىنە سەنگىمىز كەلەدى. ءاربىر ازامات ەلىمىزدىڭ وركەندەۋى مەن گۇلدەنۋى – ونىڭ سانالى ارەكەتىنە بايلانىستى ەكەنىن ءتۇسىنۋى ءتيىس.
