جانداربەك بەكشيننىڭ ايتۋىنشا, الماتىدا ۆيرۋس جۇقتىرۋ كورسەتكىشى ازايىپ كەلەدى.
«الماتى قالاسىنىڭ قىزىل ايماققا كىرۋىنە بايلانىستى جاڭا شەكتەۋلەر قابىلداندى. اۋرۋدىڭ اپتالىق كورسەتكىشى 54,2 بولىپ تۇر. قالىپتى جاعدايدا 100 مىڭ ادامعا 50 جاعداي بولادى. ياعني يندەكس بويىنشا اۋرۋشاڭدىق 1-دەن اسىپ تۇر. وتكەن تاۋلىكتە 53 جاعداي تىركەلدى. وسىلايشا كوروناۆيرۋس اۋرۋىنىڭ ازايعانى بايقالىپ وتىر», دەدى بەكشين.
ايتا كەتۋ كەرەك, الماتى قالاسى قىزىل ايماققا ەنۋىنە بايلانىستى قالالىق سانيتاريالىق-ەپيدەميالىق باقىلاۋ دەپارتامەنتىنىڭ باسشىسى, قالانىڭ باس مەملەكەتتىك سانيتار دارىگەرى جانداربەك بەكشين جاڭا قاۋلى قابىلداعان ەدى.
قاۋلىعا سايكەس ساۋدا, ويىن-ساۋىق ورتالىقتارى مەن بازارلار سەنبى-جەكسەنبى كۇنى جۇمىس ىستەمەيدى.
ال كينوتەاترلار مەن تەاترلاردىڭ جۇمىسى ۋاقىتشا توقتاتىلدى.
سونىمەن قاتار, جاڭا قاۋلىعا سايكەس ەندى كوروناۆيرۋس جۇقتىرعان ادامدار اۋرۋحاناعا جاتىپ ەمدەلەدى.
