«جىل باسىندا ەلىمىزدە ماڭىزدى سايلاۋ ءوتتى. پارلامەنت ءماجىلىسى مەن جەرگىلىكتى ءماسليحات قۇرامىنا جاڭا ازاماتتار كەلدى. سايلاۋ ناتيجەسىندە ەلدىڭ باسىم بولىگى «Nur Otan» پارتياسىنا قولداۋ ءبىلدىردى. «Nur Otan» پارتياسى سايلاۋ قورىتىندىسى بويىنشا جالپى 71,09% جيناپ, ايقىن باسىمدىقپەن جەڭىسكە جەتتى. ۇلكەن جەڭىستە سىزدەردىڭ دە قوسقان ۇلەستەرىڭىز مول. قالالىق شتاب قۇرامىندا ەڭ ماڭىزدى قىزمەتتى ابىرويمەن الىپ شىقتىڭىزدار. مىنە, وسى ەڭبەكتەرىڭىز ءۇشىن تۇڭعىش پرەزيدەنتىمىز, ەلباسى نۇرسۇلتان نازارباەۆتىڭ العىس حاتى تاپسىرىلىپ جاتىر. بارشاڭىزدى بۇل ماراپاتپەن شىن جۇرەكتەن قۇتتىقتايمىن! الداعى بەسجىلدىقتا العا قويىلعان جوسپار بويىنشا ايانباي ەڭبەك ەتەمىز دەگەن سەنىمدەمىن», دەدى د.كارىبەك.
شارا سوڭىندا ماراپاتتالعان بەلسەندىلەر ەلباسىعا ءوز العىستارىن ايتتى.
«ەلىمىزدىڭ ودان ءارى ءوسىپ-وركەندەۋىنە, «Nur Otan» پارتياسىنىڭ باعدارلاماسىن جۇزەگە اسىرۋعا بارىنشا اتسالىساتىن بولامىز», دەيدى ولار.
اتالمىش شارا وتە جوعارى دەڭگەيدە ءوتتى. ەستەلىككە كوپتەگەن فوتولار جاسالدى.
الايدا, پاندەمياعا بايلانىستى ساقتىق شارالارى ساقتالدى. ءىس-شاراعا قاتىسۋشىلاردىڭ بارلىعىندا ءبىر رەتتىك بەتپەردە مەن قولعاپ بولدى.
