قوعام • 29 قاڭتار، 2021

دارىگەرلەرگە ۇستەمەاقى تولەۋ باقىلاۋدا - اقمولا وبلىسى

8 رەت كورسەتىلدى

دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنا سايكەس 2024 جىلعا قاراي دارىگەرلەردىڭ ورتاشا ايلىق جالاقىسىن كەزەڭ-كەزەڭىمەن 2 ەسەگە جانە ورتا مەديتسينالىق پەرسونالدىڭ جالاقىسىن 1،6 ەسەگە ۇلعايتۋ كوزدەلگەن. بۇل تۋرالى بريفينگتە اقمولا وبلىسى دەنساۋلىق ساقتاۋ باسقارماسى باسشىسىنىڭ ورىنباسارى ناريمان سىزدىقوۆ ايتتى، دەپ حابارلايدى Egemen.kz

«كوروناۆيرۋستىق ينفەكتسيامەن اۋىراتىن ناۋقاستارعا مەديتسينالىق كومەك 1558 ينفەكتسيالىق، (681 - 44% جۇمىسپەن قامتىلعان) جانە 123 رەانيماتسيالىق توسەك (53 – 43% جۇمىسپەن قامتىلعان، كوروناۆيرۋستىق ينفەكتسيا سەبەبىنەن 22 توسەك – 18% جۇمىسپەن قامتىلعان)، سونداي-اق 30 كارانتيندىك توسەك-ورنى بار 15 مەديتسينالىق ۇيىم ارقىلى كورسەتىلەدى. جۇمىس ىستەپ تۇرعان توسەك-ورنى بار مەديتسينالىق مەكەمەلەر 100 پايىز كادرلارمەن جاساقتالعان»، دەدى ناريمان سىزدىقوۆ.

بۇگىنگى تاڭدا بارلىعى 438 مەديتسينا قىزمەتكەرى جۇمىلدىرىلعان جانە جالپى 1052 مەديتسينا قىزمەتكەرى تارتىلعان.

«مەملەكەت باسشىسىنىڭ تاپسىرماسىنا سايكەس، قاۋىپتى 3 توپتاعىلار بويىنشا COVID-19-عا قارسى كۇرەسكە تارتىلعان ورتا ەسەپپەن 4228 مەديتسينا قىزمەتكەرلەرىن ىنتالاندىرۋ جانە قولداۋ ءۇشىن 4 ملرد 688 ملن تەڭگە ءبولىندى. دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنا سايكەس 2024 جىلعا قاراي دارىگەرلەردىڭ ورتاشا ايلىق جالاقىسىن 2 ەسەگە جانە ورتا مەديتسينالىق قىزمەتكەرلەردىڭ جالاقىسىن 1،6 ەسەگە كەزەڭ - كەزەڭىمەن ءوسىرۋ كوزدەلگەن»، دەپ تولىقتىردى ن.سىزدىقوۆ.

ماسەلەن، 2021 جىلعى 1 قاڭتاردان باستاپ ءوڭىردىڭ 32 مەديتسينالىق ۇيىمدارىندا ورتاشا ايلىق جالاقى 1559 دارىگەردە 30 پايىزعا (211 مىڭ تەڭگەدەن 274 مىڭ تەڭگەگە دەيىن) جانە ورتا مەديتسينالىق پەرسونالدىڭ 5092 وكىلىندە 20 پايىزعا (134 مىڭ تەڭگەدەن 161 مىڭ تەڭگەگە دەيىن) ءوستى. وڭىردە ءبىر قالالىق، 18 اۋداندىق قوسالقى ستانتسيا جانە 19 جەدەل جاردەم بولىمشەسى جۇمىس ىستەيدى. ال قامتۋ ايماعى اۋىلدىق ەلدى مەكەندەردە 2019 جىلعى 14،2 پايىزدان اعىمداعى جىلى 27،2 پايىزعا دەيىن ۇلعايدى، اۋىل حالقىنىڭ 67،6 پايىزى قامتىلدى. وبلىستىق جەدەل جاردەم ستانتسياسىنىڭ قۋاتى تاۋلىك بويى جۇمىس ىستەيتىن 69 بريگادانى قۇرايدى، ونىڭ 9-ى مامانداندىرىلعان دارىگەرلىك جانە 60-ى - فەلدشەرلىك.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار