سەسسيا بارىسىندا ءماسليحات دەپۋتاتتارى الماتى قالاسىنىڭ اكىمى باقىتجان ساعىنتاەۆتىڭ «الماتى قالاسىنىڭ كرەاتيۆتى يندۋستريالار باسقارماسى» كوممۋنالدىق مەملەكەتتىك مەكەمەسىن قۇرۋ تۋرالى باستاماسىن قولدادى.
ايتا كەتۋ كەرەك, «الماتى-2050» دامۋ ستراتەگياسىنا سايكەس قالا ەكونوميكاسىندا كرەاتيۆتى ەكونوميكانى دامىتۋ باعىتىندا قۇرىلىمدىق مانەۆردى جۇزەگە اسىرۋ جوسپارلانعان.
مەگاپوليس ۇنەمى ويلاۋ قابىلەتى ۇشقىر, كرەاتيۆتى, تالانتتى جانە بىرەگەي ادامداردى بىرىكتىرەدى, ال زاماناۋي تسيفرلىق قۇرالدار ءوسۋ ديناميكاسىن ارتتىراتىنى اتاپ ءوتىلدى.
وسى ماقساتتا كرەاتيۆتى يندۋستريانى دامىتۋ ستراتەگياسى قابىلداندى.
سونىمەن بىرگە, كرەاتيۆتى سەگمەنت قالىپتاسۋى ءۇشىن مەملەكەتتىڭ ينتەگراتيۆتى قولداۋى قاجەت, ونىڭ مىندەتتەرىنە جۇمىستى ساۋاتتى ۇيلەستىرۋ, جان-جاقتى جاردەمدەسۋ جانە الەۋەتتى جۇيەلى دامىتۋ كىرەدى.
كرەاتيۆتى يندۋستريا - ەكونوميكانى دامىتۋدىڭ نەعۇرلىم پەرسپەكتيۆالى باعىتتارىنىڭ ءبىرى, ءىرى قالالاردى الەمدىك قوعامداستىق ءۇشىن ەرەكشە تارتىمدى ەتەتىن ولاردىڭ قوزعاۋشى كۇشى.
بۇكىل الەمدە كرەاتيۆتى يندۋستريالار الەۋەتى ونەركاسىپتىك ساياساتتىڭ اجىراماس بولىگىنە اينالۋدا.
بۇل ەرەكشە سالالار ۇلىبريتانيا, قىتاي, جاپونيا, وڭتۇستىك كورەيا, رەسەيدە جانە باسقا دا كوپتەگەن ەلدەردە مەملەكەتتىك قولداۋعا يە.
