«2020 جىل – ادامزات تاريحىنداعى ەڭ اۋىر كەزەڭدەردىڭ ءبىرى. بارشا الەمدەگى مەملەكەتتىك اپپارات ازاماتتاردىڭ سەنىمىنەن جاپپاي ايىرىلىپ, بۇرىن-سوڭدى بولماعان داعدارىسقا تاپ بولدى.
پاندەميا كەزىندە حالىق بيلىككە ءۇمىت ارتىپ, قامقورلىق پەن كومەك كۇتىپ وتىرعاندا كەيبىر ارسىز شەنەۋنىكتەر مەن توپ-مەنەدجەرلەر زاڭنان دا, قۇدايدان دا قورىقپاي, لاۋازىمىن «قالتاسىن تولتىرۋعا» پايدالانىپ, جۇيەلى تۇردە پارا الۋ ارقىلى بيۋدجەت قارجىسىن جىمقىردى. مەنىڭ ويىمشا, ءوز حالقىنىڭ قايعى-قاسىرەتى ارقىلى بايۋ – ساتقىندىق پەن ادام ولتىرۋگە تەڭ!», - دەدى اليك شپەكباەۆ اگەنتتىكتىڭ القا وتىرىسىندا.
اگەنتتىك باسشىسىنىڭ دەرەگىنشە, پاندەميامەن بايلانىستى 100 قىلمىستىق ءىس تىركەلدى. ونىڭ جارتىسىنا جۋىعى – داعدارىسقا قارسى بولىنگەن قاراجاتتى جىمقىرۋ.
ء«بىز 100 قىلمىستىق ءىس تىركەدىك. ولاردىڭ جارتىسىنا جۋىعى - داعدارىسقا قارسى شارالارعا بولىنگەن قاراجاتتى جىمقىرۋ. 2 ملرد تەڭگەدەن استام سوماعا قىمبات باعاعا 132 ءوجج اپپاراتىن ساتىپ الۋ فاكتىلەرىنىڭ جولى كەسىلدى», - دەدى ول.
