فوتو: «جولاۋشىلار تاسىمالى» اق
مارات شاكەنوۆتىڭ ايتۋىنشا, قازىر «قاراعايلى – كوكپەكتى» شاعىن تەمىرجول ۋچاسكەسىندە «ايماك RAIL» پويىزدار قوزعالىسىن ارالىق رەتتەۋدىڭ تسيفرلىق جۇيەسى ەنگىزىلگەن.
ەندى استانادان تالدىقورعانعا تىكەلەي پويىز قاتىنايتىن بولادى
«وتكەن جىلدىڭ جەلتوقسانىندا ۇزىندىعى 247 شاقىرىم Starlink سپۋتنيكتىك جۇيەسىن قولدانا وتىرىپ, جوبانى ورىستەتۋ بويىنشا جۇمىستار باستالدى. بۇل ۋچاسكەنىڭ وتكىزۋ قابىلەتىن ءبىرىنشى كەزەكتە تاۋلىگىنە 4 جۇپ پويىزعا دەيىن, ەكىنشى كەزەكتە – 7 جۇپ پويىزعا دەيىن ۇلعايتۋعا مۇمكىندىك بەرەدى. وسى رەتتە, تاسىمالدار كولەمى ءبىرىنشى كەزەكتە جىلىنا 3 ملن توننا, ەكىنشى كەزەكتە – 5 ملن توننادان استام جۇكتى قۇرايدى»,دەدى مارات شاكەنوۆ.
پوەزداردى تەستىلىك ىسكە قوسۋ وسى جىلدىڭ ساۋىرىنە جوسپارلانعان. كەلەسى يننوۆاتسيالىق جوبا ديزەلدى قوزعالتقىشپەن جانە اككۋمۋلياتورلىق باتارەيالاردى قامتيتىن ەلەكتر جۇيەسىمەن جابدىقتالعان, گيبريدتى مانەۆرلىك لوكوموتيۆتەر باعىتىندا جۇزەگە اسىرىلادى. لوكوموتيۆ وتىندى ۇنەمدەپ, پايدالانۋ شىعىستارى مەن زياندى زاتتار شىعىندارىن 20%-عا تومەندەتەدى.
