كوللاجدى جاساعان زاۋرەش سمعۇل, «ەQ»
الماتىدا پاندەميا باستالعالى بەرى 21 547 كۆي جاعدايى تىركەلسە, تەك سارسەنبى كۇنى ىندەتكە شالدىققاندارعا 139 ناۋقاس قوسىلدى. اۋرۋدان ساۋىققاندار سانى قازىرگى ۋاقىتتا – 19 487 ادام, بۇل جۇقتىرعان بارلىق جاعدايلاردىڭ 91%-ىن قۇرايدى.
دەگەنمەن, كوروناۆيرۋسپەن كۇرەسۋگە باعىتتالعان ارەكەتتەر اۋرۋ ءورشىپ تۇرعانىنا قاراماستان, ءوز ناتيجەسىن بەرىپ وتىر. ينفەكتسيالىق ستاتسيونارلاردىڭ جۇكتەمەسى تۇراقتى, بۇگىندە 724 توسەكتىك ورىن بوس ەمەس, بۇل رەتتە ونىڭ 61%-ى بوس جانە 5 145 توسەكتىك ورىن رەزەرۆتە تۇر. قازىرگى ۋاقىتتا تاۋلىگىنە ورتا ەسەپپەن 50-90 پاتسيەنت ەمدەۋگە جاتقىزىلادى. جانساقتاۋ بولىمشەلەرى 50% بوس ەمەس. باستاپقىدا رەانيماتسيالىق توسەكتىك ورىندار سانى 80 بولسا, توسەكتىك ورىندار سانىن 120-عا دەيىن ۇلعايتۋعا تۋرا كەلدى.
كۆي جۇقتىرعانداردىڭ اراسىندا قاتار جۇرەتىن اۋرۋلارى بار ناۋقاستار سانى ايتارلىقتاي وسكەنىن ايتا كەتكەن ءجون. سوندىقتان قالا تۇرعىندارىنا ۇيدەن سيرەك شىعۋ, ادامدار كوپ جينالاتىن ورىندارعا بارماۋ, ءوزىن-ءوزى ەمدەۋمەن اينالىسپاۋ, بىلىكتى مەديتسينالىق كومەككە جۇگىنۋ تىنباي ەسكەرتىلىپ وتىر.
سونىمەن قاتار مەديتسينالىق-سانيتارلىق العاشقى كومەك ۇيىمدارىندا COVID-19-بەن كۇرەسۋ ءۇشىن ۇيدە ەمدەلىپ جاتقان پاتسيەنتتەرگە مونيتورينگ جۇرگىزەتىن ءموبيلدى بريگادالار قۇرىلدى. بۇگىنگى تاڭدا ۇيدە مەديتسينالىق باقىلاۋدا 797 ادام تۇر.
بىلتىر قىركۇيەكتە COVID-19 ۆيرۋسىن جۇقتىرعان پاتسيەنتتەردى ەمدەۋ بويىنشا مساك ۇيىمدارىن قولداۋ ماقساتىندا قاۋىپتى توپتارداعى كارانتيندىك پاتسيەنتتەردى قاشىقتىقتان باقىلاۋ جانە كونسۋلتاتسيالار جۇرگىزۋ ءۇشىن تەلەمەديتسينا ورتالىعى قۇرىلعان بولاتىن. قاراشادان باستاپ بۇگىنگە دەيىن ورتالىق ماماندارى12 مىڭنان استام كىرىس قوڭىراۋىن قابىلداپ, 51 مىڭنان استام شىعىس قوڭىراۋى جاسالدى.
ارينە, جۇرتتىڭ بارلىعىن 1 اقپاننان باستاپ جۇرگىزىلەتىن ۆاكتسينالاۋ ماسەلەسى تولعاندىرادى. قالالىق دەنساۋلىق ساقتاۋ باسقارماسى سپۋتنيك-V ۆاكتسيناسىنىڭ ءتۇسۋىن كۇتىپ وتىر. قاڭتار ايىنىڭ سوڭىندا الماتىعا ۆاكتسينانىڭ 1 450 دوزاسى (290 قۇتى) كەلىپ تۇسەدى. ۆاكتسينالاۋ جۇرگىزىلەتىن ەمحانالاردا ساقتاۋعا ارنالعان توڭازىتقىش جابدىقتار مەن قويمادان ۆاكتسينالاۋ كابينەتىنە دەيىن تاسىمالداۋعا ارنالعان توڭازىتۋ ەلەمەنتتەرى بار كونتەينەرلەر ساتىپ الىندى. اقپان ايىنا 6 مىڭ دوزا جانە شىلدە ايىنا دەيىن 150 مىڭ دوزا الۋ جوسپارلانىپ وتىر.
ەرىكتىلەرگە سالىنعان قازاقستاندىق ۆاكتسينا كلينيكالىق سىناقتاردىڭ سوڭعى ساتىسىنان وتۋدە جانە ماقۇلدانعان جاعدايدا حالىقتى يممۋنداۋ ءۇشىن دە كەلىپ تۇسەدى.
الماتى
