ەلوردا • 28 قاڭتار، 2021

ەلوردا اكىمدىگىنىڭ الەۋمەتتىك ورتالىقتارى تۇرعىندارمەن ءوزارا بايلانىستى كۇشەيتتى

7 رەت كورسەتىلدى

نۇر-سۇلتان قالاسى اكىمدىگىنىڭ الەۋمەتتىك ورتالىقتارى تۇرعىندارمەن ءوزارا بايلانىستى جانە قالا تۇرعىندارىنىڭ وتىنىشتەرىنە جەدەل جاۋاپ بەرۋدى كۇشەيتتى، دەپ حابارلايدى Egemen.kz

2019 جىلدىڭ جازىنان باستاپ ەلوردادا «تىڭداۋشى مەملەكەت» تۇجىرىمداماسىن ىسكە اسىرۋ اياسىندا قۇرىلعان «جانۇيا» وتباسى ينستيتۋتىن قولداۋ ورتالىعى (بەيبىتشىلىك، 14) جۇمىس ىستەيدى. اتالعان ورتالىقتا ەلوردالىق وتباسىلارعا زاڭگەرلىك، پسيحولوگيالىق جانە الەۋمەتتىك كومەك كورسەتىلەدى. تۇرعىندار ء«بىر تەرەزە» قاعيداتى بويىنشا 70-تەن استام مەملەكەتتىك قىزمەت الا الادى.

ورتالىق سونداي-اق ااك الۋ، ءبىلىم الۋ، ءوز كاسىبىن اشۋ، جۇمىسقا ورنالاسۋعا جاردەمدەسۋ جسەكىلدى ماسەلەلەر بويىنشا كەڭەس بەرەدى. اشىلعان ساتتەن باستاپ ورتالىققا 45 مىڭنان استام قالا تۇرعىنى جۇگىنىپ، 65 مىڭعا جۋىق ماسەلە قارالدى.

«جانۇيا» وتباسى ينستيتۋتىن قولداۋ ورتالىعىندا زاڭگەرلەر، پسيحولوگتار، الەۋمەتتىك قىزمەتكەرلەر جۇمىس ىستەيدى. مۇندا انالارعا ارنالعان «كاسىپكەر انا» جەكە بيزنەسىن دامىتۋ بويىنشا قولداۋ ورتالىعى جۇمىس ىستەيدى. مەكەمەدە بارلىق جاعداي جاسالعان: ەرەكشە قاجەتتىلىگى بار ازاماتتارعا ارنالعان ليفتىلەر، سونداي-اق ورتالىق قىزمەتكەرلەرى باس-كوز بولاتىن بالالارعا ارنالعان ويىن الاڭى بار.

اكىمنىڭ ازاماتتاردى قابىلداۋىندا كوتەرىلگەن ماسەلەلەردىڭ باسىم بولىگى - تۇرعىن ءۇي جانە تۇرعىن ءۇي باعدارلامالارىنا قاتىسۋ جونىندە. وسىلايشا، 2020 جىلدىڭ كۇزىندە ەلوردادا تۇرعىن ءۇي سالاسىندا قىزمەت كورسەتەتىن بىرىڭعاي ورتالىق اشىلدى (رەسپۋبليكا داڭعىلى، 32). اتالعان ورتالىقتا تۇرعىن ءۇي كەزەگىنىڭ ءنومىرى، كەزەككە قالاي تۇرۋ كەرەكتىگى، ءتۇرلى تۇرعىن ءۇي باعدارلامالارىنىڭ تەتىكتەرى سەكىلدى ساۋالدارعا جاۋاپ الۋعا بولادى. ورتالىق اشىلعان العاشقى ءۇش ايدا 15 مىڭ ادام جۇگىنگەن بولاتىن.

سوڭعى جاڭالىقتار

ۇقساس جاڭالىقتار