ورنالاستىرىلعان تۇيىندەمەلەردىڭ سانى 2020 جىلى 630 مىڭ بولدى, بۇل وتكەن جىلعى كورسەتكىشتەن 10% ارتىق (2019 جىلى – 570 مىڭ). ورنالاستىرىلعان بوس جۇمىس ورىندارىنىڭ 367 مىڭى بىلىكتى ەڭبەكتى قاجەت ەتەدى (2019 جىلى - 359 مىڭ).
«وتكەن جىلى ەل بويىنشا بوس جۇمىس ورىندارى تۇيىندەمەلەرگە قاراعاندا ورتا ەسەپپەن 300 مىڭعا جۋىق ارتىق بولدى. ونىڭ 233 مىڭعا جۋىعى – بىلىكتى ەڭبەكتى قاجەت ەتەتىن بوس جۇمىس ورىندارى. الايدا, وڭىرلەر تۇرعىسىنان قىزىلوردا, تۇركىستان, اتىراۋ, ماڭعىستاۋ جانە جامبىل وبلىستارىندا تۇيىندەمەلەردىڭ سانى بوس جۇمىس ورىندارىنىڭ سانىنان ءسال اسىپ كەتكەنىن اتاپ وتۋگە بولادى», دەپ حابارلادى «ەڭبەك رەسۋرستارىن دامىتۋ ورتالىعى» اق بولجامداۋ دەپارتامەنتىنىڭ ديرەكتورى دميتري شۋمەكوۆ.
ەكونوميكا سالالارى بويىنشا بوس جۇمىس ورىندارىنىڭ ەڭ كوپ سانى (185,8 مىڭ) قۇرىلىس سەكتورىندا بولدى. بۇدان باسقا, ءبىلىم (139 مىڭ بوس جۇمىس ورنى), ساۋدا (88 مىڭ), اۋىل شارۋاشىلىعى جانە دەنساۋلىق ساقتاۋ (73 مىڭنان) سالالارىندا, سونداي-اق وڭدەۋ ونەركاسىبىندە (71 مىڭ) ۇلكەن قاجەتتىلىك بايقالدى. 2020 جىلى بىلىكتى جۇمىسشىلار اراسىندا ەڭ سۇرانىسقا يە - ورتا مەكتەپ مۇعالىمدەرى, قۇرىلىسشىلار-مونتاجشىلار, سونداي-اق جەڭىل اۆتوموبيلدەر مەن تاكسي جۇرگىزۋشىلەرى بولدى.
«توپ-3-تە قوستاناي وبلىسىنان, سونداي-اق نۇر-سۇلتان جانە الماتى قالالارىنان باسقا وڭىرلەر بولىنىسىندە ورتا مەكتەپ مۇعالىمدەرى اتاپ ءوتىلدى. مونتاجشى-قۇرىلىسشىلار بويىنشا دا ۇقساس جاعداي –اقتوبە, جامبىل, قوستاناي, تۇركىستان, شىعىس قازاقستان وبلىستارىندا جانە الماتى قالاسىندا عانا ولارعا سۇرانىس جوق. سونىمەن قاتار, وڭىرلەردە جەڭىل اۆتوكولىكتەردىڭ جۇرگىزۋشىلەرى, بويلەر مەن بۋ ماشينالارىنىڭ وپەراتورلارى, دۇكەندەردەگى سۋپەرۆايزەرلەر مەن ساتۋشىلار, سونداي-اق كۇتىم كورسەتۋشى ورتا مەديتسينالىق پەرسونال سۇرانىسقا يە», دەيدى دميتري شۋمەكوۆ.
سونىمەن بىرگە جاريالانعان تۇيىندەمەلەردىڭ كوپ بولىگىنىڭ ورتا مەكتەپ مۇعالىمدەرىنە, مونتاجشى-قۇرىلىسشىلارعا جانە ۇقساس جۇمىسشىلارعا, جەڭىل اۆتوكولىك جۇرگىزۋشىلەرىنە, بويلەر مەن بۋ ماشينالارىنىڭ وپەراتورلارىنا, سۋپەرۆايزەرلەر مەن دۇكەندەردەگى ساتۋشىلارعا, سونداي-اق كۇتىم كورسەتۋشى ورتا مەديتسينالىق پەرسونالعا قاتىستى بولۋى وسى ماماندىقتار بويىنشا تاپشىلىقتىڭ بولۋى جاعدايىن وزگەرتپەيدى.
وسىلايشا, تۇيىندەمەلەر سانىنان بوس ورىندار سانىنىڭ جيىنتىق ارتۋى قۇرىلىس سالاسىندا ەداۋىر بايقالادى جانە قۇرىلىسشى-مونتاجشىلار بويىنشا – 16,8 مىڭ بىرلىكتى, دانەكەرلەۋشىلەر مەن گاز كەسكىشتەر بويىنشا – 9,7 مىڭ بىرلىكتى, بەتونشىلار بويىنشا – 6,3 مىڭ بىرلىكتى, كران, كوتەرگىش وپەراتورلارى مەن ۇقساس قۇرىلىمداردىڭ وپەراتولارى بويىنشا – 5,8 مىڭ بىرلىكتى قۇرادى.
سونىمەن قاتار ەڭبەك نارىعىنداعى تاپشى ماماندىقتارعا ورتا مەكتەپ مۇعالىمدەرى (بوس ورىندار سانى تۇيىندەمەگە قاراعاندا 9,3 مىڭعا كوپ), ساتۋشىلار (8,9 مىڭعا), كۇزەتشىلەر (8,5 مىڭعا), سونداي-اق كۇتىم كورسەتۋشى ورتا مەديتسينالىق پەرسونال (7,7 مىڭعا) جاتادى.
ءوز كەزەگىندە, ەڭبەك نارىعىندا زاڭگەرلەر (5,8 مىڭ بىرلىككە ارتىق), كەڭ بەيىندى وفيس قىزمەتكەرلەرى (3 مىڭ), قارجى ماسەلەلەرى جونىندەگى كونسۋلتانتتار (1,8 مىڭ), تالداۋشىلار مەن زەرتتەۋشىلەر (1,7 مىڭ) ارتىق بولىپ وتىر.
بۇدان باسقا, 2020 جىلى قورشاعان ورتانى قورعاۋ جونىندەگى كاسىپقوي مامانداردىڭ (2,3 مىڭ), ونەركاسىپ پەن وندىرىستەگى تەحنيكتەردىڭ (1,8 مىڭ), تەحنيك-ەلەكترونيكتەردىڭ (1,8 مىڭ), سونداي-اق قۇرىلىسشىلاردىڭ بريگاديرلەرىنىڭ (1,6 مىڭ) ارتىق سانى قالىپتاسقان.
