ايماقتار • 28 قاڭتار، 2021

الماتى پوليتسياسى 129 كەلى سينتەتيكالىق ەسىرتكىنى تاركىلەدى

2 رەت كورسەتىلدى

وتكەن جىلى الماتى پوليتسياسى 129 كەلى سينتەتيكالىق ەسىرتكىنى تاركىلەدى، – دەپ حابارلايدى Polisia.kz.

بۇگىنگى كۇنى سينتەتيكالىق ەسىرتكىلەر مەن ولاردى شىعارۋعا ارنالعان زەرتحانالار الەمدىك ماسەلەلەردىڭ ءبىرى بولىپ تابىلادى.

– 2019 جىلعى 5 شىلدەدە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەسىرتكى قۇرالدارىنىڭ، ولاردىڭ انالوگتارى مەن پرەكۋرسورلارىنىڭ اينالىمىن باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭى كۇشىنە ەندى، 89 تارماق بولدى. زاڭ جوباسى ەسىرتكى قىلمىسىنا قارسى جاڭا سىن-قاتەرلەر مەن قاۋىپ-قاتەرلەرگە قارسى تۇرۋ بويىنشا مەملەكەت قابىلداعان شارالاردىڭ ۋاقتىلىعىن قامتاماسىز ەتۋ ءۇشىن ەسىرتكىگە قارسى زاڭنامالىق جۇيەنى جەتىلدىرۋ ماقساتىندا ازىرلەنگەن. تۇزەتۋلەر “ەسىرتكى زاتتارىنىڭ انالوگتارى” تۋرالى جاڭا ۇعىمداردى ءتۇسىندىرۋدى كوزدەيدى، – دەدى الماتى قالالىق پد ەسىرتكى قىلمىستارىمەن كۇرەس باسقارماسىنىڭ باستىعى ەرلان الماعامبەتوۆ.

سونىمەن قاتار، سپيكەر بۇگىندە الماتى پوليتسياسى ەسىرتكىنىڭ جاڭا تۇرلەرىنىڭ، سونىڭ ىشىندە سينتەتيكالىق ەسىرتكىنىڭ، باسقاشا ايتقاندا، جاڭا پسيحواكتيۆتى زاتتاردىڭ اينالىمىنىڭ جولىن كەسۋ تيىمدىلىگىن ارتتىرۋعا باعىتتالعان ۇيىمداستىرۋشىلىق جانە تاجىريبەلىك شارالار كەشەنىن قولدانىپ جاتقانىن ناقتىلادى.

– 2020 جىلى شاھار اۋماعىندا جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە ساتۋ كەزىندە 12 جەدەل ازىرلەمەلەر ىسكە اسىرىلدى، ناتيجەسىندە سينتەتيكالىق ەسىرتكىنى ساقتاۋدىڭ 62 فاكتىسى انىقتالدى. زاڭسىز اينالىمنان 129 كيلوگرامنان استام «سينتەتيكا» الىندى. ۇستالعانداردىڭ اراسىندا “تەلەگرامم” مەسسەندجەرى ارقىلى ساتىپ الىنعان، سالماعى 1 كيلوگرامنان اساتىن سينتەتيكالىق ەسىرتكىنى ساقتاعان 1998 جىلى تۋىلعان س.ازامات بار. سونىمەن قاتار، ءبىزدىڭ ءبولىمنىڭ قىزمەتكەرلەرى جۇرگىزگەن ۇزاق مەرزىمدى ازىرلەمەلەر ناتيجەسىندە بىلتىر سينتەتيكالىق ەسىرتكى شىعاراتىن بەس زەرتحانا تاراتىلعانىن اتاپ وتكەن ءجون. الايدا ولاردىڭ اراسىندا، اۋەزوۆ اۋدانىنداعى قاراپايىم جالدامالى پاتەرگە ورنالاستى. ءۇش جاس جىگىت قىلمىستىق ءوندىرىستى ۇيىمداستىردى. ءۇي-جايلاردى ءتىنتۋ كەزىندە حيميالىق رەاگەنتتەر، سينتەتيكالىق ەسىرتكى زاتتاردى وندىرۋگە ارنالعان ءتۇرلى كومپونەنتتەر، سونداي-اق ساتىلىمعا دايىن، جالپى سالماعى 10 كيلوگرامم مەتكاتينون (مەفەدرون) زاتى تاركىلەندى. بۇل ءونىمدى ساتۋ باعاسى 240 ميلليون تەڭگەنى قۇراعان بولار ەدى، – دەپ تۇيىندەدى الماعامبەتوۆ.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار