قازاقستان • 28 قاڭتار، 2021

قازاقستاندىقتار 2020 جىلى نە نارسەنى كوپ ساتىپ الدى؟

11 رەت كورسەتىلدى

كوروناۆيرۋس «بيلىك قۇرعان» 2020 جىلى ەل تۇرعىندارى بولشەك ساۋدا نۇكتەلەرىندە 11،6 ترلن تەڭگەگە ساۋدا جاساعان. بۇل 2019 جىلمەن سالىستىرعاندا 2،6 پايىزعا جوعارى كورسەتكىش. شىنايى ماندەگى بولشەك ساۋدا كولەمىندە 4،1 پايىزعا قۇلدىراۋ بايقالعان، دەپ حابارلايدى ەgemen.kz

بولشەك ساۋدانىڭ 60 پايىزى ساۋدا جاسايتىن كاسىپورىندار مەن ۇيىمدارعا تيەسىلى. اتالعان ورىنداردا 6،9 ترلن تەڭگە جۇمسالعان. ءبىر جىل ىشىندە 4،9 پايىزعا ءوسىم بولعان. بۇل تۋرالى finprom.kz حابارلاپ وتىر.

جەكە كاسىپكەرلەرمەن جاسالعان، ونىڭ ىشىندە بازارلاردا جاسالعان ساۋدانىڭ ۇلەسى 4،7 ترلن تەڭگەنى قۇرايدى. ياعني، 2019 جىلدىڭ قاڭتار-جەلتوقسانىمەن سالىستىرعاندا 0،7 پايىزعا از. وسى سەگمەنتتىڭ ساۋداداعى ۇلەسى جىل سايىن قىسقارا كەلە، بىلتىر 40،2 پايىزدى قۇراعان. وڭىرلىك ءبولىنىس بويىنشا 17 ايماقتىڭ تەك التاۋىندا عانا شىنايى ساۋدا ءوسىمى بايقالعان.

بولشەك ساۋدا كورسەتكىشى بويىنشا ءبىرىنشى ورىندا الماتى قالاسى (3،4 ترلن تەڭگە) بولسا، ەكىنشى ورىندا نۇر-سۇلتان (1،3 ترلن تەڭگە)، ال ۇزدىك ۇشتىكتى 1 ترلن تەڭگەگە ساۋدا جاساعان شىعىس قازاقستان وبلىسى مەن قاراعاندى وبلىسى تۇيىندەيدى. وزگە وڭىرلەردە ساۋدا كولەمى 170،5 ملرد پەن 708،3 ملرد تەڭگە ارالىعىندا.

بولشەك ساۋدا قۇرىلىمىندا ەڭ كوپ ساۋدالانعان ءونىم – ازىق-ت ۇلىكتىك ەمەس تاۋارلار ەكەن. ولاردىڭ كولەمى 7،1 ترلن تەڭگەگە جەتكەن. دەگەنمەن وسىنىڭ ءوزى 2019 جىلمەن سالىستىرعاندا 5،1 پايىزعا تومەن. كەرىسىنشە، ازىق-ت ۇلىك تاۋارلارىنىڭ ۇلەسى ءبىر جىل ىشىندە 17،9 پايىزعا ارتىپ، 4،4 ترلن تەڭگەنى قۇراعان. 2020 جىلى اسىرەسە، ءساۋىر ايىندا بولشەك ساۋدا دەڭگەيى ءبىراز قۇلدىراپ كەتكەن. مۇنداي تومەن كورسەتكىش قاتاڭ لوكداۋنعا بايلانىستى بىرقاتار ساۋدا ورىندارىنىڭ جۇمىس ىستەمەۋىمەن تىكەلەي بايلانىستى.

سوڭعى جاڭالىقتار

ۇقساس جاڭالىقتار