بەينە كونفەرەنتسبايلانىس فورماتىندا ۇيىمداستىرىلعان كەڭەسكە قۇقىق قورعاۋ ورگاندارىنىڭ باسشىلارى, نۇر-سۇلتان, الماتى, شىمكەنت قالالارى مەن وبلىستاردىڭ اكىمدەرى, قر پرەزيدەنتى اكىمشىلىگى جانىنداعى جۇمىس توبىنىڭ مۇشەلەرى قاتىستى.
كەڭەس بارىسىندا عالىمدار مەن ساراپشىلاردىڭ ارحيۆتەر مەن جابىق قورلارداعى زەرتتەۋ جۇمىستارى, ساياسي قۋعىن-سۇرگىن قۇرباندارىن اقتاۋ جونىندەگى وڭىرلىك كوميسسيالاردىڭ جۇمىسىن ۇيىمداستىرۋ ماسەلەلەرى تالقىلاندى. سونداي-اق ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ قىزمەتىن سۇيەمەلدەۋ جونىندەگى جوبالىق ءوفيستىڭ قىزمەتىن ۇيىمداستىرۋ ماسەلەسى قارالدى.
جۇرگىزىلگەن جۇمىستىڭ قورىتىندىسى بويىنشا ورتالىق جانە جەرگىلىكتى اتقارۋشى ورگاندارعا «ساياسي قۋعىن-سۇرگىن قۇرباندارىن تولىق وڭالتۋ جونىندەگى مەملەكەتتىك كوميسسيا تۋرالى» قر پرەزيدەنتى جارلىعىنىڭ مىندەتتەرىن جان-جاقتى ىسكە اسىرۋدى قامتاماسىز ەتەتىن ۇيىمداستىرۋ-تەحنيكالىق جانە زەرتتەۋ ءىس-شارالارى كەشەنىن وتكىزۋ تۋرالى بىرقاتار تاپسىرمالار بەرىلدى.
