قازاقستان • 28 قاڭتار، 2021

ءبىلىم مينيسترلىگى وقۋشىلاردىڭ شەتەلدە وقۋىنا قاتىستى اقپاراتتى جوققا شىعاردى

27 رەت كورسەتىلدى

ءبىلىم جانە عىلىم مينيسترلىگى شەتەلدىك ۇيىمداردا وقۋعا تىيىم سالىناتىنى تۋرالى اقپارات جالعان ەكەنىن حابارلادى، - دەپ جازادى Egemen.kz

«شەتەلدىك ۇيىمداردا وقۋعا تىيىم سالۋ تۋرالى اقپارات شىندىققا جاناسپايدى. قوسىمشا ءبىلىم الۋ – ءار بالانىڭ قۇقىعى. قوسىمشا ءبىلىمدى بالالار تەك ءبىزدىڭ ەلدە عانا ەمەس، باسقا ەلدەردە، ءتىپتى قاشىقتان الا الادى»، دەلىنگەن حابارلامادا.  

سونداي-اق، كونستيتۋتسياعا سايكەس قازاقستان ازاماتتارى مىندەتتى ورتا ءبىلىم الۋى كەرەك جانە ول مەملەكەت تاراپىنان قامتاماسىز ەتىلەدى.

«قازاقستان رەسپۋبليكاسىنىڭ ازاماتى بولىپ تابىلاتىن جانە قازاقستاندا ءومىر سۇرەتىن بالا ەلىمىزدەگى ءبىلىم وردالارىندا، ياعني جالپى ءبىلىم بەرەتىن مەكتەپتەردە، گيمنازيالار، ليتسەيلەر نەمەسە حالىقارالىق مەكتەپتەردە وقيدى. قوسىمشا ءبىلىم رەتىندە شەتەلدىك مەكتەپتەردە قاشىقتان ءبىلىم الۋعا بولادى. ەگەر بالالار اتا-اناسىمەن بىرگە شەت مەملەكەتتەرگە ۋاقىتشا قونىس اۋدارسا، وندا بالالاردىڭ شەتەلدە ءبىلىم الۋىنا ەشقانداي شەكتەۋ جوق»، دەپ ناقتىلادى ءبىلىم مينيسترلىگىنىڭ ءباسپاسوز قىزمەتىنەن.

سوڭعى جاڭالىقتار

ۇقساس جاڭالىقتار