ەكونوميكا • 28 قاڭتار، 2021

«دامۋ» قورى مەن دۇنيەجۇزىلىك بانك قازاقستانداعى شوب-تى قولداۋدى جالعاستىرادى

17 رەت كورسەتىلدى

«دامۋ» قورى مەن دۇنيەجۇزىلىك بانك قازاقستانداعى شوب-تى قولداۋدى جالعاستىراتىن بولدى. مەموراندۋم بويىنشا، تاراپتار سالالىق ەكونوميكالىق زەرتتەۋلەر، تەحنيكالىق كومەك كورسەتۋ اياسىندا ارىپتەستىك دامىتۋعا نيەتتى، سونداي-اق قازاقستان رەسپۋبليكاسىندا ميكرو -، شاعىن جانە ورتا كاسىپكەرلىكتى قولداۋ بويىنشا كۇش-جىگەردى بىرىكتىرۋدى كوزدەپ وتىر، دەپ حابارلايدى Egemen.kz

«شاعىن جانە ورتا بيزنەستى قولداۋ بۇكىل الەمدە COVID-19 پاندەمياسىنىڭ سالدارىنان ەكونوميكانى قالپىنا كەلتىرۋدىڭ نەگىزگى شاراسى بولىپ  وتىر. ءبىز ەكونوميكانى ءارتاراپتاندىرۋ جانە كاسىپكەرلىكتى قولداۋ سالاسىنداعى ۇلتتىق كۇن ءتارتىبىن، اسىرەسە شوب-تى قارجىلاندىرۋعا قاتىستى باعىتتاردى جۇزەگە اسىرۋدا قور ارقىلى قازاقستان ۇكىمەتىن قولداۋعا دايىنبىز»، دەپ اتاپ ءوتتى دۇنيەجۇزىلىك بانكتىڭ قازاقستانداعى تۇراقتى وكىلى جان-فرانسۋا مارتو مەموراندۋمعا قول قويۋ بارىسىندا.

«قور دۇنيەجۇزىلىك بانكتىڭ قارجىلاندىرۋ مەحانيزمدەرىن تابىستى قولدانۋدىڭ كوپ جىلدىق، اۋقىمدى الەمدىك تاجىريبەسىنە مۇددەلى. سونداي-اق COVID-19 پاندەمياسىنان كەيىن قالپىنا كەلتىرۋ كەزەڭىندە ەل ەكونوميكاسىنا پايداسى تيەتىن بىرلەسكەن جوبالاردى جۇزەگە اسىرۋدى كوزدەيدى. قور دۇنيەجۇزىلىك بانكپەن بىرلەسىپ شوب قولداۋ بويىنشا الەمدىك تاجىريبەنى قولدانۋدى جالعاستىرادى»، دەدى «دامۋ» قورىنىڭ باسقارما ءتورايىمى گاۋحار بۋريباەۆا.

وسى ارادا، دۇنيەجۇزىلىك بانك (دب) بۇكىل الەم بويىنشا دامۋشى ەلدەرگە قارجىلىق جانە تەحنيكالىق كومەك كورسەتەتىن ماڭىزدى ۇيىمداردىڭ ءبىرى ەكەندىگىن ەسكە سالا كەتۋ كەرەك. دۇنيەجۇزىلىك بانك توبىنا بەس ۇيىم كىرەدى: حالىقارالىق قايتا قۇرۋ جانە دامۋ بانكى (حقدب)، حالىقارالىق دامۋ قاۋىمداستىعى (حدا)، حالىقارالىق قارجى كورپوراتسياسى (حقك)، ينۆەستيتسيالارعا كەپىلدىك بەرۋ جونىندەگى كوپجاقتى اگەنتتىك (حاجق) جانە جاھاندىق اۋقىمدا كەدەيلىكتى ازايتۋعا ىقپال ەتەتىن ينۆەستيتسيالىق داۋلاردى رەتتەۋ جونىندەگى حالىقارالىق ورتالىق (يدرحو).

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار