رەسەي فەدەراتسياسى ۇكىمەتى توراعاسىنىڭ ورىنباسارى يۋري بوريسوۆپەن كەزدەسۋ بارىسىندا ونەركاسىپ جانە عارىش سالالارىنداعى ىنتىماقتاستىقتىڭ كەڭ اۋقىمدى ماسەلەلەرى قارالدى.
ونەركاسىپتىك كووپەراتسيا تاقىرىبى رەسەي فەدەراتسياسىنىڭ ونەركاسىپ جانە ساۋدا ءمينيسترى دەنيس مانتۋروۆپەن كەلىسسوزدەردە كورىنىس تاپتى. تاراپتار ۋاعدالاستىقتاردى, ونىڭ ىشىندە 2019 جىلعى 3 ساۋىردە ەكى مەملەكەت باسشىنىڭ قاتىسۋىمەن قول قويىلعان قازاقستان-رەسەي وندىرىستىك كووپەراتسياسى سالاسىنداعى بىرلەسكەن ءىس-قيمىل باعدارلاماسى شەڭبەرىندەگى ۋاعدالاستىقتاردى ىسكە اسىرۋ بارىسىن تالقىلادى.
ساپار اياسىندا رومان سكليار سونىمەن قاتار رەسەي فەدەراتسياسىنىڭ كولىك ءمينيسترى ۆيتالي ساۆەلەۆپەن كەزدەستى. كولىك سالاسىنداعى, سونداي-اق قازاقستان-رەسەي شەكاراسى ارقىلى اۆتوموبيل جولدارى مەن وتكىزۋ پۋنكتتەرىنىڭ ينفراقۇرىلىمى سالاسىنداعى ءوزارا ءىس-قيمىلدىڭ ەڭ وزەكتى ماسەلەلەرى تالقىلاندى.
كەزدەسۋگە قاتىسۋشىلار ەكىجاقتى ىنتىماقتاستىقتى ودان ءارى نىعايتۋ جانە ءوزارا ءتيىمدى بىرلەسكەن جوبالاردى ىسكە اسىرۋ بويىنشا بىرلەسكەن كۇش-جىگەردىڭ ناتيجەلىلىگىن اتاپ ءوتتى.
