الەم • 28 قاڭتار، 2021

دارىگەر كوروناۆيرۋسپەن اۋىرعان ناۋقاستاردى ءولتىردى دەگەن كۇدىككە ءىلىندى

465 رەت كورسەتىلدى

يتاليادا مونتيكياري قالاسىنىڭ دارىگەرى كارلو موسكا توسەك-ورىنداردى بوساتۋ ءۇشىن كوروناۆيرۋسپەن اۋىرعان ناۋقاستاردى ءولتىردى دەگەن كۇدىككە ءىلىندى، دەپ حابارلايدى Egemen.kz

تەرگەۋ مالىمەتتەرى بويىنشا دارىگەر COVID-19 ىندەتىمەن جاتقان ناۋقاستارعا تىنىس الۋ دەپرەسسياسىن تۋدىراتىن پرەپاراتتى ادەيى ەنگىزگەن. سونىڭ ناتيجەسىندە ەكى ناۋقاس قايتىس بولدى.

La Repubblica باسىلىمى يتاليادا ىندەت ءورشىپ تۇرعان كەزدە موسكا كوروناۆيرۋسپەن كۇرەستە الدىڭعى قاتارلى دارىگەرلەردىڭ ءبىرى بولعانىن ايتىپ ءوتتى.

الايدا برەشيا پروكۋرورلارىنىڭ ەكى ناۋقاستى ءولتىردى دەگەن ايىبى دارىگەردىڭ پاندەمياعا قارسى ەرلىك كۇرەسىنىڭ تاريحىن تۇبەگەيلى وزگەرتۋى مۇمكىن.

كارلو موسكانىڭ ناۋقاستاردى ءولتىرۋدىڭ سەبەپتەرى ءالى انىقتالمادى. ءىس ماتەريالدارى رەتىندە اۋرۋحانا مەدبيكەلەرىنىڭ جازباسى تىركەلگەن، وندا ولار دارىگەر ناۋقاستاردى مەديتسينالىق مەكەمەدەگى توسەك-ورىنداردى بوساتۋ ءۇشىن ءولتىردى دەپ كۇدىكتەنگەن.

بەلگىلى بولعانداي، قازىرگى ۋاقىتتا موسكا سوت مالىمدەسى شىققانشا ءۇي قاماۋىندا بولادى.

 

ايتولقىن مىرزاكاريم

سوڭعى جاڭالىقتار

ۇقساس جاڭالىقتار