الماتى وبلىسىنىڭ تابيعات قورعاۋ پوليتسياسى مەن وبلىستىق بالىق شارۋاشىلىعى جانە جانۋارلار الەمى ينسپەكتسياسىنىڭ بىرلەسكەن رەيدى بارىسىندا بالقاش كولىنىڭ سارقان اۋدانىنا قاراستى ۋچاسكەسىندە ءىرى كولەمدەگى بالىق اۋلاعان براكونەر ۇستالدى. كۇدىكتىنىڭ بالىق اۋلاۋ كەزىندە قولدانىستاعى زاڭمەن تىيىم سالىنعان ءتاسىلدى پايدالانعانى اشكەرەلەندى.
– اتالعان دەرەك بويىنشا قر قىلمىستىق كودەكسىنىڭ 335-بابىنا سايكەس سوتقا دەيىنگى تەرگەۋ امالدارى جۇرگىزىلىپ جاتىر. 40 جاستاعى كۇدىكتىنىڭ كولىگىن تەكسەرۋ بارىسىندا 300 كيلوگرامنان استام بالىق تابىلىپ, تاركىلەندى. سونىمەن قاتار, قىلمىس قۇرالى رەتىندە پايدالانۋ تىيىم سالىنعان بالىق اۋى تاركىلەندى. كۇدىكتىنىڭ مەملەكەتكە ءۇش ميلليونعا جۋىق ماتەريالدىق شىعىن اكەلگەنى انىقتالدى, – دەدى وبلىستىق پد جپقب تابيعات قورعاۋ ينسپەكتورى باعلان رىمجانوۆ.
ءتارتىپ ساقشىلارى تاركىلەگەن بالىقتار ارنايى قابىلداۋ ورىندارىنا وتكىزىلىپ, ودان تۇسكەن قاراجات مەملەكەت پايداسىنا اۋدارىلاتىنىن اتاپ ءوتۋ قاجەت. ەستەرىڭىزگە سالا كەتەيىك, الماتى وبلىسىندا “براكونەر” جەدەل الدىن الۋ ءىس-شاراسى 16 قاڭتاردا باستالىپ, وسى ايدىڭ سوڭىنا دەيىن جالعاسادى. ارنايى شارا بارىسىندا بۇعان دەيىن دە تابيعي بايلىققا قول سۇعۋشىلار ۇستالعان بولاتىن.
