شەبەرلىك ساعاتى دارىستەر سەرياسىن جانە ميكروحيرۋرگيالىق داعدىلاردى تالاپ ەتەتىن بىرقاتار كۇردەلى وپەراتسيانى جۇرگىزۋگە جانە اۋىز قۋىسىنىڭ شىرىشتى قابىعىن قولدانۋ ارقىلى الماستىرعىشتاردى جاساۋعا باعىتتالعان.
وكىنىشكە قاراي, قازاقستاندا ءارتۇرلى پاتولوگيالاردان زارداپ شەگەتىن جانە كۇردەلى رەكونسترۋكتسيالىق وپەراتسيالارعا مۇقتاج پاتسيەنتتەر كوپ.
– شىن مانىندە, بۇل اندرولوگيا جانە ءۇرپى مەن جىنىس مۇشەسىنە جاسالاتىن وپەراتسيالارمەن بايلانىستى وتە وزەكتى جانە ماڭىزدى ماسەلە, – دەيدى پرەزيدەنتتىك كلينيكانىڭ ۋرولوگ دارىگەرى باقتيار قاسىموۆ. – ايتا كەتۋ كەرەك, ءبىزدىڭ «اندرولوگيالىق» ورتامىزدا بۇل اسپەكت ونشا دامىماعان. ءبىز مۇنداي پاتسيەنتتەرگە حيرۋرگيالىق وپەراتسيالاردىڭ تولىق ارسەنالىن ۇسىنۋ دەڭگەيىنە جەتپەدىك.
نۇر-سۇلتانعا كەلگەننەن كەيىن پاۆەل سەرگەەۆيچ شەبەرلىك سىنىبى ءۇشىن كوپتەگەن جاعدايى كۇردەلى پاتسيەنتتەردى ىرىكتەپ العانىن, كەيىننەن وقىتۋ ناتيجەسىنە وڭ اسەر ەتكەنىن اتاپ ءوتتى.
– مۇنداي پاتسيەنتتەر نەعۇرلىم كوپ بولسا, دارىگەرلەردىڭ ءتۇرلى ادىستەمەلەر مەن وپەراتسيالىق ارالاسۋلاردىڭ ۆارياتسيالارىن كورۋ مۇمكىندىگى سوعۇرلىم جوعارى بولادى, – دەدى ول.
وسىلايشا, شەبەرلىك سىنىبى بارىسىندا بىرقاتار كۇردەلى وپەراتسيا جۇرگىزىلدى, ونىڭ كەيبىرى نۇر-سۇلتاندا العاش رەت وتكىزىلىپ وتىر.
پاتسيەنتتەردىڭ ءبىرى – نەسەپ شىعارۋ جولى تارىلعان ەر ادام بولدى.
– جاقىندا ءبىز ءۇرپىسى شامامەن 15 سم-گە تارىلعان پاتسيەنتكە وپەراتسيا جاسادىق, دەيدى پاۆەل سەرگەەۆيچ. – ەر ادامنىڭ تۋا بىتكەن ءۇرپى پاتولوگياسى بولعان. بالا كەزىندە وعان وپەراتسيا جاساپ, سىرتقى قاباتى تۇكتى ۇما تەرىسى پايدالانىلعان. كەيىننەن تۇكتەردە تاستار پايدا بولىپ, ولار پاتسيەنتتىڭ ءزار شىعارۋىنا كەدەرگى كەلتىرگەن. بۇل جاعدايدى تۇزەتۋ جانە ناۋقاستىڭ ءومىر ءسۇرۋ ساپاسىن جاقسارتۋ ءۇشىن, ءبىز جىڭىشكە جامباس بۇلشىقەتى مەن اۋىز قۋىسىنىڭ شىرىشتى قابىعىن قولدانا وتىرىپ, رەكونسترۋكتسيا جاسادىق.
دارىگەردىڭ ايتۋىنشا, بۇل ادىستەر جەرگىلىكتى تىندەر بولماعان كەزدە قان اينالىمدى جانە ءۇرپى تۇتىگىن جەتكىلىكتى ەتۋ ءۇشىن قولدانىلادى. سونداي-اق, باقتيار عالي ۇلى تۋا بىتكەن اۋرۋدىڭ گيپوسپادياسىنان زارداپ شەككەن پاتسيەنت تۋرالى اڭگىمەلەدى.
– بۇل پاتولوگيا ءۇرپى تەسىگىنىڭ دۇرىس ورنالاسپاۋىمەن سيپاتتالادى, – دەيدى دارىگەر. پاتسيەنت نەسەپ جولىنىڭ جىنىس مۇشەسىنىڭ باسىندا ەمەس, دىڭىندە ورنالاسقاندىعىنان زارداپ شەككەن.
پاتسيەنت بۇل وپەراتسيانى بالا كەزىندە جاساۋ كەرەك بولعانى, بىراق ءتۇرلى سەبەپپەن كەيىنگە قالدىرىلا بەرگەنىن ەسكە الدى.
– بيىل وسى قادامعا بەل بايلاپ, باقتيار عالي ۇلىنا جۇگىندىم. ماعان پورتال ارقىلى تەگىن وپەراتسيا جاسادى, دەدى پاتسيەنت.
قازىرگى ۋاقىتتا بارلىق پاتسيەنتتەر قالپىنا كەلۋ ساتىسىنان ءوتىپ جاتىر. ولار وپەراتسيادان كەيىنگى كەزەڭدە مۇقيات جانە ءجىتى باقىلاۋدى قاجەت ەتەدى.
– قازىرگى كەزدە ءبىزدىڭ ءوز كوزىمىزبەن كورۋگە, قانداي وزىق تەحنولوگيالار پايدالانىلىپ جاتقانىن بىلۋگە جانە حالىقارالىق ۇسىنىستاردى قولدانۋعا تاماشا مۇمكىندىگىمىز بار. شەبەرلىك سىنىپتىڭ ۇزاق مەرزىمدى پەرسپەكتيۆاسى – قازاقستانداعى بارلىق مۇقتاج پاتسيەنتكە قولجەتىمدى جانە جوعارى ساپالى مەديتسينالىق كومەك كورسەتۋ ءۇشىن حيرۋرگيانىڭ وسى باعىتىن دامىتۋ قاجەت. ءبىز وسىنداي اۋرۋلاردان زارداپ شەگەتىن ناۋقاستارعا شەتەلگە بارماي, ءوز ەلىمىزدە تولىق كومەك كورسەتۋگە قابىلەتتى ورتالىققا اينالعىمىز كەلەدى, – دەپ قورىتىندىلادى №4 حيرۋرگيا بولىمشەسىنىڭ مەڭگەرۋشىسى ەرلان ەڭسەباەۆ.
