قازاقستان • 27 قاڭتار، 2021

قازاقستان كوروناۆيرۋسقا قارسى قىتاي ۆاكتسيناسىن ساتىپ الا ما

138 رەت كورسەتىلدى

دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ قازاقستان ۇكىمەتى كوروناۆيرۋسقا قارسى ۆاكتسيناتسيا جۇرگىزۋ ءۇشىن قىتايلىق پرەپارات ساتىپ الاتىنى تۋرالى اقپاراتقا تۇسىنىك بەردى، دەپ حابارلايدى Egemen.kz

«قازاقستان ۇكىمەتى كوروناۆيرۋس ينفەكتسياسىنا قارسى ەشقانداي دا قىتاي ۆاكتسيناسىن ساتىپ المادى جانە جوسپارلاپ تا وتىرعان جوق. قۇرمەتتى ازاماتتار! سىزدەردەن الەۋمەتتىك جەلىلەردەگى جالعان اقپاراتتارعا ەرمەۋدى جانە تەك رەسمي اقپارات كوزدەرىنە سەنۋدى وتىنەمىن. ەستەرىڭىزگە سالا كەتەيىك، قاساقانا جالعان اقپارات تاراتۋ قر قك 274-بابىنا سايكەس قىلمىستىق جاۋاپكەرشىلىككە اكەپ سوعادى»، - دەدى ەرجان بايتاناەۆ.

ونىڭ اتاپ وتۋىنشە، قازاقستاندا 2021 جىلعى 1 اقپاننان باستاپ رەسەيدە شىعارىلعان گام-كوۆيد-ۆاك («سپۋتنيك V») ۆاكتسيناسىن پايدالانا وتىرىپ، كۆي-عا قارسى ۆاكتسيناتسيا باستالادى. ودان ءارى ۆاكتسينالاۋ پروتسەسىنە قاراعاندى فارماتسەۆتيكالىق كەشەنىنىڭ بازاسىندا وندىرىلگەن گام-كوۆيد-ۆاك ۆاكتسيناسى قوسىلادى. 2021 جىلدىڭ 2-توقسانىنان باستاپ ۆاكتسينالاۋ پروتسەسىنە وتاندىق - QazCovid-In پرەپاراتىن قوسۋ جوسپارلانىپ وتىر. بۇل ۆاكتسينا قازىرگى ۋاقىتتا كلينيكالىق سىناقتىڭ 3-كەزەڭىنەن وتۋدە.

گام-كوۆيد-ۆاك ۆاكتسيناسى رەسەي فەدەراتسياسىندا مەملەكەتتىك تىركەۋدەن وتكەن جانە بىرنەشە اي بويى حالىقتىڭ وسال توپتارىن يممۋنداۋ ءۇشىن قولدانىلىپ كەلەدى. رەسەي فەدەراتسياسىنىڭ تىكەلەي ينۆەستيتسيالار قورىنىڭ مالىمەتتەرى بويىنشا، بۇل ۆاكتسينانى ساتىپ الۋعا 50-گە جۋىق مەملەكەت ءوتىنىش بەرگەن.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار