ورداباسى اۋداندىق پوليتسيا ءبولىمىنىڭ قىزمەتكەرلەرى كۇندەلىكتى رەيد جۇرگىزۋدە. وسىنداي كەزەكتى رەيد بارىسىندا جەتىساي اۋدانىنىڭ تۇرعىنى كارانتين تالاپتارىن ساقتاماي, 100-گە جۋىق ادامدى جيناپ, كوكپار ۇلتتىق ويىنىن وتكىزىپ جاتقانى انىقتالدى.
ءتارتىپ ساقشىلارى «كوكپار» ويىنىنا قاتىسۋشىلاردى دەرەۋ توقتاتىپ, ولارمەن كارانتيندى بۇزۋعا جول بەرمەۋ تۋرالى ءتۇسىندىرۋ جۇمىسىن جۇرگىزدى. وسى شارانى ۇيىمداستىرۋشىعا قاتىستى قر اقبتك 425-بابى بويىنشا اكىمشىلىك حاتتاما تولتىرىلدى.
جينالعان ماتەريالدار زاڭدى شەشىم قابىلداۋ ءۇشىن جەتىساي اۋداندىق سانيتاريالىق-ەپيدەميولوگيالىق ورتالىعىنا جولداندى. ءوز كەزەگىندە پوليتسەيلەر تۇركىستان وبلىسىنىڭ تۇرعىندارى مەن قوناقتارىن كارانتين رەجيمى مەن سانيتارلىق-ەپيدەميالىق نورمالاردىڭ تالاپتارىن بۇزباۋعا شاقىرادى. بازار, دۇكەن جانە باسقا دا ادام كوپ جينالاتىن جەرلەرگە بارعاندا, قوعامدىق كولىكتە مەديتسينالىق بەتپەردە كيىپ, انتيسەپتيك پايدالانۋ جانە الەۋمەتتىك قاشىقتىقتى ساقتاۋ قاجەت.
