«بايتەرەك» ۇلتتىق باسقارۋشى حولدينگىنىڭ ەنشىلەس ۇيىمى «قازاقستان يپوتەكالىق كومپانياسى» يپوتەكالىق ۇيىمىنىڭ اتاۋى «قازاقستان تۇرعىن ءۇي كومپانياسى» اق بولىپ وزگەرتىلدى.
رەسمي قايتا تىركەۋ 2021 جىلعى 26 قاڭتاردا تىركەۋشى ورگاندا جۇزەگە اسىرىلدى.
ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆتىڭ تاپسىرماسى بويىنشا «بايتەرەك» ۇلتتىق باسقارۋشى حولدينگىنىڭ تۇرعىن ءۇي بلوگى ءۇش ەنشىلەس كومپانيانى – «بايتەرەك دەۆەلوپمەنت» اق, «تۇرعىن ءۇي قۇرىلىسىنا كەپىلدىك بەرۋ قورى» اق جانە «قازاقستان يپوتەكالىق كومپانياسى» يۇ» اق قازاقستاننىڭ تۇرعىن ءۇي قۇرىلىسىنىڭ بىرىڭعاي وپەراتورىنا بىرىكتىرۋ ارقىلى وزگەرتىلدى.
2020 جىلعى 8 شىلدەدە قازاقستان پرەزيدەنتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي باعدارلامالارى وپەراتورلارىنىڭ سانىن قىسقارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ءتيىستى زاڭعا قول قويدى.
«قازاقستان تۇرعىن ءۇي كومپانياسى» اق-نىڭ جالعىز اكتسيونەرى 100% مەملەكەتتىك اكتسيالار پاكەتىنە يەلىك ەتەتىن «بايتەرەك» حولدينگى بولىپ قالا بەرەدى. بىرىككەن كومپانيا تۇرعىن ءۇي قۇرىلىسىنىڭ بىرىڭعاي وپەراتورى رەتىندە مىناداي نەگىزگى باعىتتار بويىنشا جۇمىسىن جالعاستىرادى:
- يپوتەكالىق قارىزدار بەرۋ;
- كەيىننەن ساتىپ الۋ قۇقىعىمەن جالعا بەرىلەتىن تۇرعىن ءۇي بەرۋ;
- مەملەكەتتىك باعدارلامالار شەڭبەرىندە قۇرىلىس سالۋشىلارعا كرەديت بەرۋ;
- جەكە قۇرىلىس سالۋشىلاردىڭ كرەديتتەرىن جانە يپوتەكالىق قارىزداردى سۋبسيديالاۋ;
- تۇرعىن ءۇي قۇرىلىسىن قارجىلاندىرۋ جانە ينۆەستيتسيالىق جوبالاردى ىسكە اسىرۋ;
- تۇرعىن ءۇي قۇرىلىسىنىڭ اياقتالۋىنا كەپىلدىك بەرۋ.
وسىلايشا, قازاقستان تۇرعىن ءۇي كومپانياسى ەل حالقىن ساپالى جانە جايلى تۇرعىن ۇيمەن قامتاماسىز ەتۋدى ارتتىرۋعا باعىتتالعان مەملەكەتتىك شارالاردى ودان ءارى ىسكە اسىرۋدى, ونىڭ ىشىندە قۇرىلىس سالاسىن قولداۋ, تۇرعىن ءۇي نارىعىنداعى سۇرانىس پەن ۇسىنىستاردىڭ تەڭگەرىمدى ءوسۋى ءۇشىن جاعداي جاساۋ جانە يپوتەكالىق كرەديت بەرۋ جولىمەن قامتاماسىز ەتەدى.
قازاقستان ۇكىمەتىنىڭ 2020 جىلعى 8 قىركۇيەكتەگى № 557 قاۋلىسىنا سايكەس «قازاقستان يپوتەكالىق كومپانياسى» يۇ» اق-نا تۇرعىن ءۇي قۇرىلىسىنىڭ بىرىڭعاي وپەراتورى مارتەبەسى بەرىلگەنىن اتاپ ءوتۋ كەرەك.
