قوعام • 27 قاڭتار، 2021

قوعاممەن بايلانىس قولداۋ تاپتى

5 رەت كورسەتىلدى

ادالدىقتان اتتامايتىن قوعام قۇرۋ ءۇشىن جەمقورلىققا قارسى امالدار مەن ارەكەتتەردى بارىنشا ناسيحاتتاۋ، جالپاق جۇرتقا جەتكىزۋ اسا قاجەت-اق. وتانداستارىمىز زاڭنان اتتاماۋدىڭ ماڭىزىن ۇعىنىپ، وسىناۋ جاعىمسىز ارەكەتتىڭ مانىنە ۇڭىلگەن كەزدە عانا الەم سۇيسىنەتىن، بولاشاق ۇرپاقتىڭ ءۇمىتىن ۇكىلەي الاتىن مەملەكەت قۇرا الامىز. وسى باعىتتا وڭ قادامدار جاسالىنىپ تا جاتىر.

ماسەلەن، جۋىردا سىبايلاس جەمقور­لىققا قارسى ءىس-قيمىل اگەنتتىگى سەرىك­تەستىك دەپارتامەنتى ديرەكتورىنىڭ ورىنباسارى پەريزات سادۋاقاس وتكەن جىلى ساۋىردە ىسكە قوسىلعان ەكسكليۋزيۆتى كونتەنتى بار AntikorNews اتتى ەرەكشە مەديا جوباسىنا توقتالدى. وسى ۋاقىت ارالىعىندا بۇل جوبا اتال­­عان اگەنتتىكتىڭ باق-پەن جانە جۇرت­شى­لىقپەن ءوزارا ءىس-قيمىلىنىڭ ماڭىز­دى قۇرالىنا اينالعان.  سىبايلاس جەم­قورلىققا قارسى كونتەنتتىڭ ۇزدىكسىز ون­لاين كورسەتىلىمىن قامتاماسىز ەتۋ ار­قىلى انتيكور قىزمەتىنىڭ ناتيجەلەرى مەن باسىمدىقتارى تۋرالى جەدەل حابارلار تاراتىلىپ وتىرعان.

پەريزات سادۋاقاستىڭ ايتۋىنشا، قازاق جانە ورىس تىلدەرىندە اقپارات تاراتاتىن AntikorNews جاڭالىقتارى الدىن الۋ شارالارىنا، سىبايلاس جەم­قورلىققا قارسى زاڭناماعا، اگەنتتىكتىڭ قوعامدىق الاڭداعى جۇمىسىنا قاتىستى ماسەلەلەردىڭ كەڭ اۋقىمىن قامتىپ كە­لەدى ەكەن. ماسەلەن، «ادالدىق الاڭى»، ارنايى مونيتورينگ توبى، رەسپۋب­لي­كالىق اقپاراتتىق-اعارتۋ شتابى، «ساپالى جول»، «اشىق بيۋدجەتتەردىڭ ينتەراكتيۆتى كارتاسى»، «ادال كومەك»، «سانالى ۇرپاق» جانە باسقاسى بار.

جاڭالىقتار اپتا سايىن اگەنتتىكتىڭ رەسمي سايتىندا جانە الەۋمەتتىك جە­لىلەردەگى اككاۋنتتارىندا جاريالانىپ، بارلىق وڭىرلىك تەلەارنالاردان كورسەتىلەدى. وسىلايشا، وتكەن جى­لى ورتالىق اپپارات اگەنتتىكتىڭ قىز­مەتىنە قاتىستى AntikorNews-ءتىڭ 40 شىعارىلىمىن، اۋماقتىق دەپارتامەنتتەر 650 شىعارىلىمىن ازىرلەگەن. پەريزات سادۋاقاس بۇل جوبانىڭ از­ عا­نا ۋاقىت ارالىعىندا ناتيجە بەرىپ، سۇرانىسقا يە بولعانىن، ونىڭ تۇجى­رىمداماسىنا ءتىپتى يوردانيا كورول­دىگى سىبايلاس جەمقورلىققا قارسى كوميسسياسىنىڭ قىزىعۋشىلىق تانىتىپ، ءوز ۆەدومستۆولارىندا وسىنداي جوبانى ەنگىزۋدى جوسپارلاپ جاتقاندىعىن اتاپ ءوتتى.

– AntikorNews جوباسىنىڭ اياسىندا 60-قا جۋىق ءباسپاسوز ءماسليحاتى وتكىزىلىپ، 130-عا جۋىق جەدەل ءتۇسىرىلىم جانە باق-تا 6،2 مىڭنان استام ماتەريال­ جاريالاندى. سىبايلاس جەمقورلىققا قارسى وزەكتى تاقىرىپتار بويىنشا اۋماق­­تىق دەپارتامەنتتەر دە اپتا سا­يىن­ وزدەرىنىڭ ءباسپاسوز بريفينگتەرىن ۇيىمداستىردى. بىلتىر 800-دەن اسا سپيكەردىڭ، سونداي-اق وبلىس اكىمدەرىنىڭ قاتىسۋىمەن 587 ءباسپاسوز ءماسليحاتى وتكىزىلدى، – دەدى ول.

بۇل رەتتە، دەپارتامەنت ديرەكتورى­نىڭ ورىنباسارى پاراساتتىلىق يدەولوگياسىن تۇسىندىرۋگە جانە قوعامدا سىبايلاس جەمقورلىققا قارسى مادەنيەتتى قالىپتاستىرۋعا ارنالعان ونلاين-الاڭ سانالاتىن اntikorLive مەديا-جوباسىنا دا توقتالدى.

– اگەنتتىكتىڭ اntikorLive مەديا-جوباسى پاراساتتىلىق يدەولوگياسىن تۇسىندىرۋگە جانە قوعامدا سىبايلاس جەمقورلىققا قارسى مادەنيەتتى قا­لىپ­­تاستىرۋعا باعىتتالعان. بۇدان بو­لەك، جوبا اياسىندا مەملەكەتىمىزدىڭ سىبايلاس جەمقورلىققا قارسى ءىس-قي­مىل سالاسىنداعى ساياساتىنىڭ ءتۇرلى اس­­پەكتىلەرى قامتىلىپ وتىرادى، – دەدى پەريزات سادۋاقاس.

ايتا كەتەيىك، AntikorLive جوباسى­نىڭ اۋديتورياسىن تانىمال الەۋمەتتىك جەلىلەر مەن بەينەحوستينگتەردىڭ وقىر­ماندارى قۇرايدى. «تىكەلەي ەفيرلەر» بەلگىلەنگەن ۋاقىتتا ورتالىق جانە جەرگىلىكتى اتقارۋشى ورگاندار قىزمەتكەرلەرىنىڭ، كۆازيمەملەكەتتىك سەكتور وكىلدەرىنىڭ، سونداي-اق قوعامدىق پىكىر كوشباسشىلارىنىڭ قاتىسۋىمەن سۇحبات، بليتس، ءدارىس فورماتىندا وتەدى. ەفير باق-تا جاريالانىپ، سونىڭ بارىسىندا سپيكەرلەر ازاماتتاردىڭ سۇ­راقتارىنا جاۋاپ بەرەدى. ءتىپتى كەيبىر تاقىرىپتار قوعامدىق رەزونانسقا يە بولىپ، مەملەكەتتىك ورگانداردىڭ نازارىن پروبلەمالىق ماسەلەلەرگە اۋدارادى.

– وتكەن جىلى AntikorLive جو­باسىنىڭ اياسىندا 150 سپيكەردىڭ قا­تىسۋىمەن 139 تىكەلەي ەفير ءوتتى. وڭىر­­­­لەردە 4 500-دەن استام سپيكەردىڭ قاتىسۋىمەن 5،5 مىڭ تىكەلەي ەفير ۇيىم­داستىرىلدى. جالپى، قارالىم سانى شامامەن 4 ميلليوندى قۇرادى. بىلتىر اگەنتتىك الاڭىنداعى AntikorLive جوباسىنا بىرقاتار شەنەۋنىكتەر مەن ايتۋلى ازاماتتار، ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى، سونداي-اق قوعام وكىلدەرى قاتىستى، – دەدى پەريزات سادۋاقاس.

ەسەپتى كەزەڭدە اگەنتتىك جەرگىلىكتى ات­قارۋشى ورگاندارمەن جانە قوعام­دىق ۇيىمدارمەن بىرلەسىپ، سىبايلاس جەمقورلىققا قارسى تاقىرىپقا ار­نالعان 3،5 مىڭنان استام بيلبوردتار مەن باننەرلەر، 1 100-دەن استام بەي­­نەروليك، 400-گە جۋىق اۋديوروليك دايىنداعان. سونداي-اق وتكەن جى­لى سىبايلاس جەمقورلىققا قارسى قىز­مەت الەۋمەتتىك جەلىلەردە بىرقاتار بو­لاشاعى بار جوبالاردى ىسكە قوستى.

ماسەلەن، بىلتىر اگەنتتىك الەۋ­مەت­تىك جەلىلەردە AntikorNews، اntikorLive سىندى باستامالارىمەن قاتار، «اگەنتتىك قىزمەتكەرىنىڭ ءبىر كۇنى» جانە AntikorCase سياقتى الەۋ­مەتتىك جەلى قولدانۋشىلارى اراسىندا وڭ پىكىرگە يە بولعان، ەرتەڭىنەن ءۇمىت كۇتتىرەرلىك جوبالاردى ىسكە قوستى. بەلسەندىلىكتى ارتتىرۋ ءۇشىن Instagram پاراقشاسىندا جاڭا ايدارلار اشىلعان. اۋديتوريانى تارتۋ ماقساتىندا ء«سىز بىلەسىز بە؟»، «انتيكورتالانتتارى»، « ۇلى­لاردىڭ قاناتتى سوزدەرى»، «كۇن سانى»، «ميف جانە شىندىق» ايدار­لارىمەن قاتار، تانىمدىق جانە اني­ماتسيالىق پوستار، بەينەروليكتەر جا­ريالانعان.

سونداي-اق اگەنتتىك قىزمەتىنىڭ اشىق­­­­تىعى مەن ايقىندىعىنىڭ كورسەت­كى­شى سانالاتىن Antikor ortalyǵy سەر­ۆيستىك ورتالىعى دا، كەرى بايلانىس­تىڭ پارمەندى تەتىگى رەتىندە تانىلعان «اشىق ديالوگ» ەلەكتروندىق ۇكىمەت پورتالى دا ماڭىزدى باستامالار سانالادى.

اگەنتتىك بۇگىندە سىبايلاس جەم­قور­لىققا قارسى ءىس-قيمىل سالاسىنداعى ازا­ماتتىق باستامالاردى تالقىلاۋعا جانە ىسكە اسىرۋعا ارقاشان دايىن.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

ۇقساس جاڭالىقتار