ەكونوميكا • 27 قاڭتار، 2021

قىزىلشا مەن قامىس – وڭدەگەنگە تابىس

10 رەت كورسەتىلدى

جەتىسۋدا قانت قىزىلشاسىن ءوسىرۋ ءداستۇرى قايتا جاڭعىرعالى بەرى ءتاتتى ءتۇبىر ەگىلگەن تاناپتار سانى كوبەيدى. بۇل ۇدەرىس ەلدەگى ديقان مەن شارۋانىڭ ءىسىن ىلگەرلەتىپ، تۇرعىنداردى ەڭبەكپەن قامتۋعا دا وڭ اسەر ەتۋدە. ال قانت قىزىلشاسىنان الىنعان ءونىمنىڭ ارتۋى وڭىردەگى ءوندىرىستىڭ دە جۇمىسىن جولعا قويىپ وتىر.

ءتاتتى ءتۇبىر ءوسىرىپ، تابىسقا كەنەلگەن شارۋاشىلىقتىڭ دەنى كوكسۋ اۋدانىندا ورنالاسقان. زامانىندا قىزىلشا ەگىستىگىنىڭ كولەمى مەن ءونىمنىڭ ساپاسى ارقىلى الەمگە ايگىلى بولعان اۋداندا كەيىنگى ون شاقتى جىلدا ءداستۇرلى ءىس زاڭدى جالعاسىن تاپقانداي. بۇل ءوز كەزەگىندە اۋدانداعى قانت زاۋىتىنىڭ جۇمىسىنا جان ءبىتىردى. بالپىق بي اۋىلىندا ورنالاسقان زاۋىتتىڭ ءوندىرىسى تولىقتاي جاڭعىرتۋدان وتكەن.

– 2019 جىلى زاۋىت 230 مىڭ توننا قانت قىزىلشاسىن وڭدەدى. 2020 جىلى بۇل كورسەتكىشتى 250 مىڭ تونناعا جەتكىزدىك. مەملەكەتتىك قولداۋدىڭ ناتيجەسىندە جىل سايىن جازعى ماۋسىمدا زاۋىتتى قاي̆تا جاڭعىرتىپ، قۇرال-جابدىقتارىن جاڭالاپ وتىردىق. قازىر قانت قىزىلشاسىن وڭدەي̆تىن تسەح تولىعىمەن اعىمداعى جانە كۇردەلى جوندەۋدەن ءوتىپ، اۆتوماتتاندىرىلعان جۇي̆ەگە اۋىستىرىلدى. سونداي̆-اق اۆتوكولىكتەردى ولشەي̆تىن اسپاپتاردى جاڭادان ساتىپ الىپ، اۋىستىردىق. ناتيجەسىندە، ناۋقان كەزىندە كۇنىنە 3 مىڭ تونناعا دەيىن قانت قىزىلشاسىن قابىلداپ ۇلگەردىك. زاۋىتتا ەڭبەك ماۋسىمىندا 250 ادام جۇمىس ىستەيدى، قابىلدايتىن ءونىمنىڭ كوبەيۋى مەن وڭدەلەتىن شيكىزاتتىڭ ارتۋىنا وراي جۇمىس كۇشىن 450 ادامعا دەي̆ىن جەتكىزۋ مىندەتى تۇر، – دەي̆دى «كوكسۋ قانت زاۋىتى» جشس ديرەكتورى التىنبەك اباتوۆ.

زاۋىت ءتاتتى ءتۇبىر وڭدەۋدەن بولەك، قانت قامىسىنان دا ءونىم شىعارۋعا كىرىسىپ جاتىر ەكەن. بۇل وڭىردەگى ءوندىرىستىڭ قانت قىزىلشاسىنىڭ ءپىسىپ، جەتىلگەنىن كۇتىپ وتىرماي، جىل بويىنا تۇراقتى جۇمىس ىستەۋىنە مۇمكىندىك بەرمەك. قازىر زاۋىت 140 ملن تەڭگە جۇمسالعان جاڭا تسەحتى جۇرگىزىپ جاتىر. الداعى ءساۋىر ايىنان باستاپ قانت قامىس وڭدەۋگە كىرىسپەك.

ال اۋدان ديقاندارى قانت قىزىلشاسىن ءوسىرۋدى جانداندىرا بەرمەك. بىلتىر كۇزدە 84،3 مىڭ توننا ءتاتتى ءتۇبىر جيناسا، ونىڭ ورتاشا ونىمدىلىگى گەكتارىنا 350 تسەنتنەردى قۇراپتى. جالپى، قىزىلشا ەگىستىگىنىڭ كولەمى جىل سايىن ءوسىپ وتىر. 2019 جىلى تاناپقا تۇسكەن ءتاتتى ءتۇبىر تۇقىمىنىڭ كولەمى 2100 گەكتار بولسا، وتكەن جىلى بۇل كولەم 2407 گەكتارعا جەتىپتى.

– اۋداندا اگروونەركاسىپ كەشەنىن دامىتۋعا جەتكىلىكتى كوڭىل ءبولىنىپ وتىر. مەملەكەت تاراپىنان قولداۋ بار. ءونىمدى سۋبسيديا مەن وندىرىسكە بەرىلەتىن ارزان نەسيە جانە كوكتەمگى ەگىس كەزىندە جەڭىلدىكپەن بەرىلگەن جانار-جاعارماي ديقان مەن شارۋاعا ناقتى كومەك بولدى. ناتيجەسىندە، اۋىل شارۋاشىلىعى سالاسى بويىنشا ءتۇسىم ارتتى. ەسەپ بويىنشا، اۋداندا 29 ملرد 823 ملن تەڭگەنىڭ اۋىلشارۋاشىلىق ءونىمى وندىرىلگەن. بۇل وڭىردەگى ناقتى ءونىم يندەكسىنىڭ 103،1 پايىزعا جەتكەنىن كورسەتەدى. اسىرەسە، 8 739 گەكتارعا ەگىلگەن ءداندى داقىلدار گەكتارىنا 21،4 تسەنتنەردەن ءونىم بەرىپ، قامباعا 18،7 مىڭ توننا جينادىق. وسىنىڭ ءبارى اۋدان ديقاندارىنىڭ ماڭداي تەرى، – دەيدى كوكسۋ اۋدانىنىڭ اكىمى الماس ءادىل.

 

الماتى وبلىسى

 

سوڭعى جاڭالىقتار

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار