«قازىر تاجىكستاندا كوروناۆيرۋس جوق, ءبىز ونى تولىعىمەن جويدىق», - دەدى مەملەكەت باسشىسى.
سوعان قاراماستان بارلىق تۇرعىندار قاۋىپسىزدىك شارالارىن ساقتاۋى كەرەك ەكەنىن اتاپ ءوتتى.
«ەندىگىدە بوساڭسىماي, جەكە جانە قوعامدىق گيگيەنا ەرەجەلەرىن ساقتاۋدى ۇمىتپاۋىمىز كەرەك», - دەدى راحمون.
پرەزيدەنتتىڭ ايتۋىنشا, تاجىكستان ۇكىمەتى وتكەن جىلى ۇلتتىق دەنساۋلىق ساقتاۋ جۇيەسىن قولداۋعا 1,6 ميلليارد سوموني (145 ميلليون دوللاردان استام) ءبولدى, ال ەلدە شۇعىل تۇردە 30-عا جۋىق جاڭا اۋرۋحانالار پايدالانۋعا بەرىلدى.
«كوروناۆيرۋس پاندەمياسىمەن كۇرەسۋ ءۇشىن COVID-19 جۇقتىرعان ناۋقاستارعا 7000-نان استام جاڭا اۋرۋحانالىق توسەك-جابدىق ۇيىمداستىرىلدى, ولارعا 5400 مەديتسينا قىزمەتكەرى قىزمەت كورسەتتى», - دەدى مەملەكەت باسشىسى.
دەنساۋلىق ساقتاۋ مينيسترلىگىنىڭ مالىمەتىنشە, تاجىكستاندا 15 كۇننەن بەرى كوروناۆيرۋستىق ينفەكتسيانىڭ جاڭا جاعدايى تىركەلمەگەن.
